星月一復課要急起直追課程進度...忙到爆... 我就只能默默支持... 星月話想食木糠布甸...咁就即刻動手做... 木糠布甸應該係瑪利餅做... 不過...星月就麻麻地瑪利餅... 我就轉用OREO做木糠...       2人份量: 8塊OREO 淡忌廉 150ml 煉奶適量 (隨個人喜好甜度而加入)   OREO一扭一擰就可以分開... 利用小刀刮出夾心餡備用...OREO餅就放入保鮮袋壓碎...     如果想可以容易D打發忌廉... 打發前先由雪櫃拎出淡忌廉...再放入完全乾既容器.. OREO夾心餡放入淡忌廉...利用打蛋器打成幼滑狀態... 跟住就加入適量煉奶...再繼續打至7成企身... 拎出打蛋器見到忌廉有明顯紋路就得啦... 過份企身好難入杯...同埋忌廉打得太耐唔夠幼滑架...   準備兩隻湯匙...一隻舀餅碎...一隻舀忌廉... 杯內放一層OREO餅碎再放一層忌廉...梅花間竹咁一層接一層鋪上去... 最頂層放OREO餅碎...7層就差不多啦... 我貪心整左9層...   最後放入雪櫃雪2個鐘就食得啦...       FACEBOOK 專頁 : https://www.facebook.com/mrmoon.renelee INS 聯絡我 ~ bbg1668@yahoo.com.hk