今胎妹妹皮膚一直唔錯，都保持住滑嘟嘟。 只係頭3個月大時，因為胎毒令佢臉仔有少少出紅粒。 但勤力啲搽BB面霜，係有助退紅嘅。   ^ 胎毒引致嘅粒粒   但來到BB第4個半月左右，妹妹身體某啲部位嘅皮膚明顯變差。 紅敏之餘，仲有少少損傷，甚至乎出水情況。   呢啲位置，不外乎頸、腳摺位、手摺位，而我未見過嘅就係BB乳暈部份都紅腫出水…   早前還以為腳摺位是熱痱，所以用了坊間的「Pigeon桃葉水潤護膚露」。 最初都有效，能夠控制。     後來外出後，可能加上天氣熱… 妹妹嘅頸、腳摺位就明顯嚴重咗好多...   ^ 通常憫憎過後，臉仔會特別紅     最後都係去咗睇皮膚科醫生，我最初仲以為妹妹(4-5個月) 比 和牛B(1個月) 遲發濕疹。 醫生話其實唔係叫遲，濕疹嘅嚴重程度都係按0-1歲為一組，一組一組咁分。   而醫生都話妹妹係嚴重，因為一般濕疹會先喺手、腳、身體出。   但妹妹嘅濕疹已去到乳暈，其實係嚴重嘅。   重溫一下，醫生嘅建議;    1. 夏天都盡量穿著長袖衣物 (尤其係BB) 2. 盡量戴上BB手套，以防止抓傷皮膚 3. 盡量保持皮膚乾爽 (特別係BB玩口水階段) 4. BB衣物要係純棉質 5. 沖涼水溫度不要過熱 6. 沖涼時間愈快愈好，因為逗留喺水入面時間愈長，皮膚嘅水份就會流失得愈多 7. 沖涼後抹乾八成水份，馬上搽上滋潤嘅Cream 8. 避免戶外活動 (長時間喺太陽下) 9. 留意室內氣溫，唔可以太熱同埋焗     至於飲食方面，醫生話如果BB係食奶粉就要食低敏奶粉。 如果媽媽係餵母乳(全母乳)就更加好，最好餵人奶餵到仍唔食為止。   我: BB有濕疹，我餵母乳需唔需要戒口? 醫生: 唔好食蝦、蟹、貝殼類嘅海鮮 醫生: 要戒辣   明白到用類固醇有唔好處，亦有機會 類固醇反彈。 但係眼見，搽咗好多Cream都未能有效控制得到… 所以還是決定先治本，再治標。     你問我，有冇試過用金銀花水、芫茜水。 我會直接答你，我唔會幫BB試呢啲偏方。   因為BB皮膚幼嫩，亦唔係個個人膚質一樣。 你試咗Work唔等於我Work，仲分分鐘有反效果。 所以，我唔會搏!   跟醫生指示搽咗一星期藥膏，而家皮膚滑返晒啦!! 以後繼續做好保濕，希望妹妹皮膚可以繼續滑落去就好了~     始終BB皮膚唔舒服，都會影響心情呀~   -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。