esdlife 早前舉辦活動,有幸中左三獎可以黎到呢間全日式嘅熊貓館玩 話明係全日式, 真係設計都好似日本部屋嘅環境,有家的感覺 有得散場玩, 想包場開party亦得。 佢地仲細分左四部份:Go Play! Go Gym! Go Stem! Go Fun! 一入門口除鞋後,左邊就係:Go Fun! 大大張梳化, 大大隻熊貓陪住你坐備有卡啦ok、足球機、 麻雀枱、 各款board game....... 軒軒都係度打番陣鼓先 中間最大嘅範圍係:Go Play! 軒軒一入到黎就馬上衝左上車車都有好幾款,我都唔執輸狂玩 滑板車有埋紅綠燈同其他交通指示牌。 煮飯仔真係男生女生都一樣喜歡,軒軒玩得最多最耐嘅地方 有籃球架添,呢度玩唔使入金幣啦 場內最入就係:Go Gym ! 有個小型波波池海 軟墊鋪成嘅瀡滑梯、 同埋一幅攀爬牆。 攀爬牆啲色調整得好靚 場內最矚目嘅就係:Go Stem ! 超大幅巨型Stem牆 係近年流行學習元素。 小朋友運用自己嘅創意砌出大大小小嘅組合, 有不同嘅軟管、 螺絲同電鑽、 齒輪。 軒軒而家最鍾意就係自己 鑽研螺絲,又岩哂佢 最後要讚下佢地個洗手間,已經係埋場內之餘,仲好乾淨同有埋換片枱 地址: 九龍觀塘開源道54號豐利中心8樓801室 產品試用/活動邀請/其他合作 歡迎聯絡:tanleesharon2004@yahoo.com.hk 謝謝 Fb: [http://www.facebook.com/leessssfamily]