今日我哋去咗沙田新城市廣場新開嘅「平衡車公園」玩,最好彩係玩嘅時候無落雨,仲超好天! 呢到係全港首個戶外常設嘅平衡車公園,玩開平衡車嘅小朋友終於有一個專屬嘅戶外場地飛車啦!! 只要成《The Point》會員就可以免費預留入場證,公園適合2-6歲 (身高 80-120cm)嘅小朋友玩。 場地車道好寬闊、仲設有簡單嘅小斜台等設備,每條欄杆都包有防撞,真係好窩心呢‼️ ^ 欄杆都包有防撞棉 再配合野生叢林嘅主題,小朋友可以一邊飛車,一邊認識非洲象、長頸鹿等野生動物~ 除咗係森林系之外,亦相當童趣。 我覺得最方便嘅原因係,如果你唔方便帶平衡車出門,仲可以租用佢哋嘅平衡車同埋安全配件(頭盔及護膝)。只要憑 The Point by SHKP會員,用500會員積分可租借平衡車及保護裝備。 每場限時玩15分鐘,亦設有少量Walk-In 名額,大家可即場登記報名試玩。 而即時免費登記成為會員,仲即場送你500迎新積分,可即時租借平衡車及保護裝備。 平衡車車場入面仲有觀眾席,家長可以坐埋一邊留意住小朋友情況,而旁邊亦設有3部冷風機。 平衡車車場亦設有清潔時段,而每日會有兩節清潔時段。 憑The Point by SHKP會員500積分可以換領, 「DIY愛車貼貼樂」(一共8款)(只適用於Strider車款),仲整個人化「車牌」。 ^ 場外設有儲物櫃 ^ 平衡車使用守則 ‼️溫馨提示‼️ 呢到係全戶外活動,所以記得搽防曬、帶定水、風扇仔及防蚊措施呀~ 為安全起建,進入平衡車車道最好都係帶好頭盔、護膝先好玩哦~ 詳細資料: https://www.newtownplaza.com.hk/zh-hant/node/11627 【Balance Bike Park @ New Town Plaza】 開放日期: 即日起 開放時間: 7am - 10pm (11am - 7pm 為平衡車試玩時段,需預先網上登記) 開放地點: 新界沙田新城市廣場1期3樓平台 -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。