日本小學生入課室前要做咩? 20200604 熙正終於一起背著書包上學去~ 成為真正的小學雞 la   想你快高長大 又唔想你大得咁快 媽媽嘅心情真係好複雜呀   今日叫做開學第一天 媽媽陪你行返學 沿路都係馬路 所以一般小一學生 佢哋個書包都會套有一個cover 寫住 交通安全 等啲司機見到會小心啲 唔好開咁快   雖然書包好重 物品都好多 但係媽媽係唔可以幫你拎㗎 你要加油呀 到咗學校門口就要換鞋 門口有個鞋櫃。 分曬班.寫曬名 一人一個鞋架 記得一定要除咗鞋先可以搭上一級呀 換返係學校著嘅白鞋 出街鞋就要放喺鞋櫃下格 拎齊嘢就行去課室 今年個課室喺二樓 見你孭住個大書包 拎住咁多嘢行樓梯 真係有啲危險 入課室前老師會檢查體溫 確保冇發燒先可以入 入課室前要消毒雙手 好在課室都夠大 人不太多 所以枱櫈都隔開有一定的位置 不過這兩天男女分開上課 所以就可以鬆動啲 但下星期一就正式全班上課了 搵到自己個位就坐定定 書包同埋物品放在枱面 防災頭巾唔用嘅時候 就當 咕臣放在椅子聽後面當cushion 放學返嚟有咩做? 咁熱梗係玩水啦 哥哥未放學 媽媽就做住陪玩專員先啦 呢個仔真係識嘆 番到屋企又係打機 咁樣打機。會入腦啲嗎   #抗疫下的生活 #武漢肺炎的日子 #三個月冇返學喇 #開學 #小學生 #小學雞 #正正個書包仲重過佢咁滯 #仲要1袋2袋 #寸步難行 #但我唔可以幫你拎㗎 #你努力加油la 歡迎與我聯絡 FB 均媽與熙正媽媽： https://www.facebook.com/heichingmama/ IG https://www.instagram.com/heichingmama_e email winghouses0215@gmail.com