其實我好鍾意飲奶昔,但最近都無出街…又無咩地方買到奶昔飲。 不如自己動手做啦,原來材料都勁簡單,只需要兩樣材料加熱撈埋就搞掂!! 過程輕鬆簡單,口感仲好似雪葩,所以和牛B都超鍾意呢。 茶點時間整一杯,再配手指餅。 和牛B直情當佢係醬咁食~ ^ 雪葩口感 雲尼拿奶昔 (一杯份量) 材料: 牛奶 140ml 棉花糖 40g 朱古力奶昔 (一杯份量) 材料: 朱古力奶 140ml 棉花糖 40g 做法: 1. 先將棉花糖倒入牛奶/朱古力中,再用細火加熱,保持攪拌,直至棉花糖完全融化。 2. 將混合物放涼後,再放入冰格3小時。 3. 完成! 朱古力奶昔做法都係一樣~ 再送多個懶人大法,如果嫌開爐都麻煩,亦可以直接將所有材料放入微波爐用玻璃器皿加保鮮紙。放入微波爐加熱(600W) 2分鐘,就融晒啦。 -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami -------------------------------------------------- 姊妹合作**Precious M accessories** 利用剩餘、過期的母乳,自己動手做屬於自己的首飾,母乳媽媽給自己的小獎勵,做法簡單自己都做得到。