懷孕期間媽媽已經好多嘢要戒口，蝦、蟹、雪糕、魚生樣樣都要小心，如果加上了妊娠糖尿（Gestational Diabetes Mellitus "GDM") 的話在飲食上要注意的就更多！！ 我不幸地被斷定為高危一族： 1)有家族糖尿病史、2)生產時過35歲、3)患有多囊卵巢症。。所以去公立醫院等一次登記時，護士已經安排我去做糖水測試（一般人糖尿病在懷孕約五、六個月時才發生，會安排在24至28週做測試。但我只有14週就要做）。   糖水測試 我飲糖水之前research咗，只要直接灌進喉嚨，盡量唔好俾舌尖掂到（因為舌尖是甜味蕾所在），咁就冇咁難飲。結果我大大啖灌3、4啖就飲曬，其實冇想像中咁差，只是飲完有喉嚨少少涸涸哋。飲糖水前要抽血，飲完2個鐘後要再抽。。其實成件事最難頂係要呆呆搞咗3個幾鐘。 政府醫院有事先會打俾你，冇事的話請下次產檢再見。結果我星期六驗完，星期二就收倒醫院電話話pass唔倒，下星期又要覆診 。   見營養師+糖尿科姑娘 覆診的時候，首先見了營養師，不過政府醫院唔會單對單同埋都冇餐單俾你，只係好general咁講話每一餐食嘅份量、比例，概括地講下有咩要注意等等。之後去糖尿科見姑娘，講吓點樣篤手指同埋妊娠糖尿是什麼。 妊娠糖尿最主要係身體不能做足夠的胰島素分解糖分，血液糖分過高，可能影響胎兒發育，導致畸胎、胎兒過重等等。但成因同本身飲食無大關係，都係個人身體問題。大部份人生產後血糖都會變返正常，擔心產後幾個星期都要篤手指keep住monitor。   篤水指驗血 最過唔到嘅一關應該係要自己篤手指。我係一個極度怕痛嘅人，姑娘話每星期只要篤兩日，我以為禁好，但完來佢未講完，每日要篤7次（早、午、晚三餐的餐前餐後+睡前）！聽倒嗰下灰咗。。 我第一次太驚所以由老公操刀。但篤完發現其實比想像中好好多！有啲似papercut但好好多，因為papercut係一大條橫痕，但篤手指支針針孔多細。但唔好揀手指頭最凸出來嗰舊肉，最後近指甲對下嗰啲位。 我用ACCU-CHEK Guide 智航血糖機，佢一支針頭有6發針，會貴過一支頭一支針少少，但方便啲不用下下換針。同埋佢支針收埋咗，你係唔會見到，所以冇禁嚇人。 我篤咗一日已經爐火純青，我用1.5度嘅針長。姑娘話用1度應該ok，說明書就建議由2度開始試。我試過1度唔夠入，唔痛但唔夠血，結果要篤多一次仲衰。。 Sigh...自從我有咗仲特別鍾意食甜野。。 如果各位媽媽懷孕初期就開始控制飲食，touch wood 有咩事都唔駛戒口戒得咁辛苦！希望各位媽媽健健康康，盡量平時都唔好食咁多糖啦！