其實哺育用品準備嘅野唔算多，但要簡邊款好呢?就真係要好認真咁考慮清楚，等我逐樣講下，分享下用後感啦! 以下係我為麵包準備嘅哺育用品: 物品 數量 安撫奶嘴 2 奶樽 6大2小 奶嘴鏈 2 奶粉袋 1 奶樽夾 1 奶樽擦 2 消毒奶樽器 1 溫奶器 1 奶樽清潔液 1 奶樽夾 我買左pigeon ，無用過，因為本身消毒器附送一個。同埋如果唔係用滾水消毒嘅媽媽，我覺得無需要準備呢樣產品，因為蒸氣消毒完，等幾分鐘已經凍哂。而且一定唔會蒸完即刻放入奶樽箱內，咁熱會有水氣，所以我根本無用過。雖然用左個夾係乾淨啲，但你要扭個蓋，點可以唔用手。(只係我個人習慣) 而且每次掂麵包嘅野前，一定會清潔雙手，咁樣就安心啦。不過奶嘴入落個圈度，我就會堅持用奶嘴夾，因為直接入bb個口。   奶樽擦   我試咗Dr.brown 同埋Pigeon。Dr.Brown 係全矽膠質地，十分耐用，底部仲有細擦頭，俾你清潔奶嘴。清潔方面就無咁好，啲縫位同埋奶嘴係好難洗得乾淨。因為矽膠較硬，好難到達奶樽底部，當你旋轉個擦時，底部有啲位置係掂唔到。而細擦頭都好硬，唔可以完全塞滿個奶咀，所以要完全清洗乾淨就要花多啲時間。而奶樽接口位都較難擦得乾淨，個擦嘅蘇蘇好粗，擦得無咁細緻。     而Pigeon 就唔同，佢全海棉質地，同奶樽密合程度高，可以深入奶樽各個位置。連奶樽嘅接口位都容易清洗乾淨。但體積較大，奶嘴部份係需要另外再買一個洗奶嘴擦。而且海棉容易裂開同埋容易滋生細菌，建議兩至三個月左右就要更換。雖然海棉麻煩啲，但洗得乾淨最緊要，我依家都係keep 住用Pigeon。 唔搵唔知，原來香港賣緊幾十種牌子嘅奶樽奶嘴擦。單單物料就分好多種，例如有海棉、尼龍、矽膠、馬毛等。而且每種品牌又會有特別嘅設計去清潔唔同形狀嘅奶樽同奶嘴。所以我上網搵左十幾個品牌，有哂佢哋既物料、產地、價錢、同特點，咁就可以簡啱心水先出去買喇!^^     安撫奶嘴 麵包係用Philip 嘅香草奶嘴，奶嘴係親戚送贈的。佢係屬於全矽膠，一體成型，可以防止水份及細菌進入，清潔容易，成個放入去消毒，非常方便。不過麵包對奶嘴無乜興趣，成日俾佢試食，佢一陣就吐出黎，所以之後都無再嚐試俾佢食。要搵一張佢食奶嘴既相，原來得勁少。 對於安撫奶咀呢樣野，我諗好多媽媽都有好多迷思，究竟要幾時先俾安撫奶嘴，幾時要戒，要點樣選擇，有咩注意事項等等。呢一連串嘅問題，我整合成一個power point，如果有媽媽有興趣想睇，方法好簡單: 1.Like and Follow 我地個 Page 2.留言< ppt > 我就會即刻send俾你架啦! https://www.facebook.com/105824811066340/posts/117972833184871/?d=n Zoe & Bread FACEBOOK: www.facebook.com/zoeandbread/ IG: https://instagram.com/zoe_and_bread?igshid=q6d4pq05m638 SHE.COM : https://blog.she.com/zoeandbread