第一次整呢款薯仔芝士燒餅好成功, 亦估唔到Bella好鍾意食, 仲同我掃左四塊咁多...... 其實呢款燒餅, 我調配到比起平時街外食嘅豆莎燒餅口感更軟糯, 而且唔做甜點做咸點, 用上薯仔同芝士拉絲, 材料簡單,做法亦只需要個煎pan便可, 不過太細嘅小朋友就唔好試住, 因為燒餅始終都有煙韌感。 親子茶點:薯仔芝士燒餅 滿滿的芝士拉絲,Bella食到成口都係。 材料(8-9塊份量): 糯米粉 75g 薯仔 170g Mozzarella cheese 45g 開水100ml 鹽少許 黑芝麻少許(隨喜好決定) 做法: 薯仔去皮切粒,水滾後, 放碟中隔水蒸約15分鐘或至熟透。 然後瀝乾水放入大碗中。 加少許鹽調味,約半茶匙。 然後用叉把薯仔壓爛至薯蓉狀態。 把糯米粉分兩至三次加入薯蓉中, 與薯蓉混合,期間分數次加入開水混合再搓成粉糰。 把粉糰分成8至9份,在掌心搓平, 中心放入芝士,然後摺起包裹, 再在掌心搓成圓形,如果太乾有裂縫,可沾少少水修補。 開大火,平底鑊下些許油至酒油滾,調回中火。 取起粉球,在掌心輕壓扁, 中央放幾粒黑歡芝麻,周邊如有裂紋可沾水修補。 放入平底鑊中煎約4分鐘,然後再翻轉另一面煎4分鐘。 之翻復兩邊煎至微黃色便可。 燒餅的周邊位也要烙一烙。即成。 因為加了薯仔,所以口感比平時吃的更軟糯, 厚薄也可按自己喜歡來控制。 ************************** ~ 許許與小BELLA ~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss