我同馮先生係18年年尾結婚，19年1月開始造人計劃，到3月發現成功懷孕~~~ 依家BB已經4個月大了，係到想同大家分享下我備孕，化學懷孕係點，到成功懷孕前食左D咩 _______________________________ 一開始，我係食 Elexxx懷孕前至12周既維他命作我備孕時既維他命。 到左2月M前一日，我用驗孕棒驗孕，發現有兩條好淺色既淺...再度一下自己體溫有成37.2，當時心情都好緊張，覺得係咪試左一個月就中獎呢 由於真係好淺色既關係，我再等到第二日我再量體溫，變左35.8度，之後用電子驗孕棒驗孕，但好可惜，驗完發現沒有懷孕，同時已經黎左M啦!!!唯有下個月再努力~~~ 原來我係化學懷孕，即係有受精，但係沒有著床，因為受精卵已經會釋放好小量既hcg，所以用驗孕棒用見到極淺色既兩條線。但受精卵無著床既關係，所以第二日就黎左M Lu ....有種一場歡喜一場空既感覺，但聽講化學懷孕之後會好易成功懷孕，我好期待下一個月啊哈哈... 之後我不停上網搵一D容易著床既食物，到2月我每日食一盒納豆，每日一杯豆奶、黑杞子水、同有次去屈XX有個sales 介紹我食一隻維他命，佢話佢新抱食完一個月就中左獎啦，咁我緊係買黎食啦，就係Prenaxxx Mixx，佢就細粒d，不過要食兩粒同有d味道（到左我大肚個時我一食就反胃 食唔到 之後又轉左維他命） 到左3月黎M前幾日，好奇想驗一驗孕，不過只見到一條線，心諗，又再下個月再黎過啦!!! 第二朝訓醒，腰勁痛，胸勁痛，比起平時每月黎M既反應大左好多!所以我覺得有D唔對路，就拿拿林驗孕，之後已經好快見到兩條線啦！好感動 !!! 之後諗緊點解尋日驗孕無線，今日見到咁明顯兩條線，咁我就拎返尋日個條睇下，原來已經係有兩條好淺既線，只係我無留心睇，哈哈，為左今次唔係化學懷孕，我就再用左電子驗孕棒驗，顯示成功懷孕了，好滾動!!! 再計返，原來我係M前4日就已經驗到懷孕，我都真係幾快就知道???? 我仲keep住成個星期驗，確保兩條線有加深先安樂 以上就係我由備孕到成功懷孕既過程，我個人覺得黑杞子係幾有用!!!希望幫到大家啦，祝各位好孕❤❤❤