難得爸爸有得平日放假,就帶埋哥哥上山頂太平山廣場快閃一個下午。泊好車一出商場,好快就被這間糖果店吸引左入去。 哥哥入到去勁開心,各式各樣的糖果包圍我們,店內面積大到分開唔同sections. 有朱古力區,軟糖區,lollipop區等等。 我同哥哥玩左jellybean 的candy bar. 以前我細個見到jellybean 的candy bar 都好想玩, 但我媽都唔比 依加都好難見到呢個裝置了。 難得呢到有個咁大的candy bar, 當然要一嘗心願同哥哥一齊體驗一下好味又好玩ge candy bar啦~ 之後就上三樓去玩【大富翁夢想世界™ - 擁抱夢想】。剛剛開幕時原本想去,但又怕好多人。今次閒日去加上疫情期又少左旅客。 今日計埋我地一家三口, 只係得4組人入場。 計埋都無10個 唔洗同人迫, 成個場慢慢玩, 正呀! 本以為場內會好似蠟像館咁睇下公仔就算。但入場時工作人員帶我地進入monopoly 世界,沿路參觀大富翁先生的家和大富翁遊戲的導賞。 我細個都有這套旅行裝大富翁^3^~ 場內裝修和設計都非常花心思,氣氛和環境令我好似去左日本環球影城usj 一樣咁靚。 重有得同全世界最大的車車棋合照。 最估唔到場內竟然有個小型4D影院,雖然只得幾分鐘的短片,但都睇到我同哥哥好開心又刺激緊張。 之後重有得玩捉錢吹風機,捉到的monopoly錢錢重可以兌換真錢用。可以係紀念品店買紀念品或小食當真錢用(每次用3張 ) 之後憑入場卷qr code 可以印製一張個人專屬的地契 又有模擬監獄和金庫的場景和影像投影的遊戲室等。場內每個角落都係打卡影相位, 又有電子平幕小遊戲。大人細佬都玩到唔捨得走。 臨離開前都可以再憑入場卷的qr code抽獎,獲得唔同的優惠券。 所以入場券十分重要,大家千祈唔好唔見啦! 依加買相有個PACKAGE, 一張大相+USB SOFT COPY (我有17張) 大約$380 (實價忘了) 總結: 今日行程是一個尋找兒時回憶的時光之旅, 小孩又覺得新奇有趣, 行程能令我暫時放下精神壓力和緊張. 不錯不錯!! ============ 園館地點: 香港山頂道118號山頂廣場3樓301號舖 開放時間: 星期一至四:上午10:00 – 下午8:00 ( 最後入場時間為下午7:00 ) 星期五至日, 假期前夕:上午10:00 - 下午10:00 ( 最後入場時間為下午9:00 ) 查詢熱線: (852) 5632 9329 https://www.monopolydreams.com/hk/tc/ticket.html **今次我地經KKDAY網購入場卷有折扣優惠, 如果晚間二人同行優惠套票重平D!! https://www.kkday.com/zh-hk/product/31539 ====================== 年青港媽生活記錄日誌 帶兩個小孩看世界 @Barbara.sharing | 芭芭菈 生活圈 有Blog 有 Vlog 有IG 有兩個可愛仔仔 ======================= FACEBOOK: https://www.facebook.com/pg/barbara.sharing/ IG: http://www.instagram.com/barbara.sharing Youtube:https://www.youtube.com/channel/UCc8DBUWqBJD4rtAmAcoB_Fg Beauty Exchange: https://www.beautyexchange.com.hk/blog/芭芭菈 香港媽咪幫:https://mamibuy.com.hk/home/18652/ girlssss: https://girlssss.com/author/barbara/