bb就快兩個月，打番個blog先，怕有日會忘記。 妹妹預產期係一月廿四號 因為有妊娠糖尿，係36周bb照到就同週偏大，醫生就話下次產檢比期我催生，到37週產檢時就比期我，去到37週，我去醫院知要攞期催生，同埋同啲醫生講我有產前抑鬱就好緊張，量左4次血壓都好高(我就知出事啦)，見完醫生就即刻比人叫左我住院一晚，我就同啲開刀既媽咪同一間房，我條腰好痛，個姑娘好好人拎左個超舒服既三角枕比我，夜晚有個醫生幫我第一次探宮頸，依下真係好痛，探完話未熟，佢話會出血係正常，咁我係突然入院，冇預備會比人探宮就冇拎m巾，嗰時夜晚9點幾，我同姑娘講要落去買m巾，姑娘話借比我，佢就問個助理，個助理勁惡話今次又邊個借呀？借完還番泥呀！ 到第二朝有個後生啲既主診醫生泥見我，佢冇提催生，我就問佢啦，佢就見到呀b過大，就問我想幾時，我想新年前，因為唔想新年係醫院，佢就答我睇邊日有位，就走左，過左一陣，有一個高級啲既女醫生泥問我 高級醫生:下星期催生定39週？ 我:想下星期  高級醫生：今星期唔想？ 我：冇所謂，唔想咁近新年 高級醫生：咁下星期尾，或兩星期前頭好唔好？盡快睇邊日有 我:好呀 高級醫生：都一定24號前架啦，依家係大碼b，但又未話加大碼既，睇實再答你 又過左陣一推醫生過晒泥我床尾，第一次問我個男醫生用英文講術我case，之後琴晚探宮個老醫生就話大約係咁， 高級醫生；下星期二三都有位 探宮老野：有位就得啦 後生醫生：佢話唔係新年就得 其中一個醫生：笑 就係咁，確定左1月17號催生，16號晚入院 我媽好迷信，話17號唔係好日，仲要係最衰嗰日，最好係18號生，之後會講點解會將依句說話講出嚟