最近在家中QB每日都問我今日整乜蛋糕，似乎佢已經適應咗停課嘅節奏，而且覺得每一日喺屋企都可以整蛋糕???? 其實我都好enjoy做蛋糕嘅過程，可以睇住一堆材料變成一個好美味嘅製成品，其實都幾滿足夠。同教小朋友一樣要付出好多心機，步驟同份量都不能錯???? 廢噏咗一輪，其實係想介紹今次我整呢個『香蕉雪芳蛋糕』 因為屋企咁啱有兩條熟透嘅香蕉，又唔想就咁食，拎嚟做蛋糕就啱曬啦！ 香蕉麵糊材料： 熟香蕉 2-3隻 低筋麵粉 80克 蛋黃 4個 砂糖 10克 牛油或菜油 35克 牛奶 45克 鹽 1克 雲喱拿油 少許 蛋白霜材料： 蛋白 4個 砂糖 40克 檸檬汁 數滴 (可不加) 香蕉越熟越香, 起花點更適合做蛋糕。亦可先放雪櫃讓果糖釋出, 增加香味和甜度。 步驟1: 香蕉先壓成茸 步驟2： 蛋黃加入砂糖、奶、菜油/ 牛油、 鹽、雲尼拿油拌勻, 然後加入香蕉茸。 步驟3: 篩入低筋粉，拌勻成香蕉麵糊。 步驟4: 做蛋白霜。蛋白加入數滴檸檬汁（有助打起，不加也可以） 步驟5: 砂糖分開2-3次加入蛋白，用中至高速打字七成企身（即可勾出線條，不瀉下，蛋白表面依然保持光滑即可） 步驟6：把蛋白霜加入香蕉麵糊，然後輕力拌勻 步驟7：倒入雪芳蛋糕模，輕敲扣出氣泡。 步驟8： 焗爐預170度熱15分鐘，放入蛋糕焗20分鐘，再轉150度焗10分鐘。 步驟9： 取出後用竹籤拮蛋糕中央，如沒黏著竹籤即代表熟透。 步驟10： 立即度購蛋糕放涼，以免蛋糕下塌影響賣相。 放涼後脫模取出切件即可食用。 香蕉雪芳蛋糕，比一般嘅雪芳蛋糕濕潤，有點如吃棉花糖嘅感覺，十分香軟美味，大人小朋友都咁鐘意。 小貼士:  - 蛋白不能打得太挺身, 否則會出現大量氣孔, 影響口感。 - 混合蛋白是一定要輕力，不要過度戳破氣泡，但也要把底部的香蕉拉麵糊翻起混合，才能做出鬆軟蛋糕 - 熄好後先放焗爐內1-2分鐘降温，立即打開取出冷縮熱脹很容易造成塌陷。 - 出爐後要立即倒扣保持形態。 - 焗盤不用塗油，油脂會令蛋糕容易塌陷，放涼後黏模情況不嚴重，容易脫出。 文章內容全屬真實分享及個人意見, 只供參考之用~ 聯絡合作: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤wordpress❤ ❤weshare❤ ❤Pixnet❤ ❤Beauty Exchange❤❤mamibuy❤ ❤Oh!爸媽❤ ❤ 親子日常❤ ❤sundaykiss❤❤esdlife❤ ❤cook1cook❤ ❤OpenRice❤