話說啲人成日話生仔好似生蛋咁簡單 但我一諗起生丁噹同細佬嘅過程 我就會驚 丁噹果陣係預產期前一日 突然覺得好辛苦 抖唔到氣 於是撘的士去醫院 去到產前房， 就話我心跳有問題 一分鐘跳到二百下 當時嘅內外醫生要我考慮電擊嘅方法去控制 果陣其實乜都諗唔到，淨係想喊 一來又好擔心電擊會唔會影響到bb 二來 醫生話再唔決定驚bb會缺氧 後尾醫生見我喊到咁 就話試下打針去控制 但有一個壞處 就係會停心跳不過對bb係冇影響 於是就打左支針 停左心跳大約兩三秒就冇事啦 結果就要留院直到生先走得 係醫院嘅第五日 護士幫我檢查嘅時候 突然穿左水 於是兩點入產房 但一直開唔到度 就打催生藥 呢個時候抽筋 ，因為紅日嘅關係 醫院要即刻叫麻醉師過尼， 要打無痛，打完發燒 一路等開度等生，一路啲護士要係咁拍我 要我唔好訓，到八九點左右， 啲心跳機開始響， 再檢查果陣發現胎位有啲唔正 於是要再打電話叫醫生過尼 我印像中， 醫生係要伸隻手幫我調番正 去到凌晨 丁噹終於出世啦 不過因為我發燒，所以佢要訓箱打抗生素 但一切都仲未完， 我出院後 都仲未退到燒 一直諗會唔會係谷奶 (當時我係人奶媽，仲要係富媽)  又有諗會唔會係成日番醫院睇丁噹 所以行爆左個傷口 十日後再入院 醫生檢查時話子宮撕裂同仲有血塊 所以一路都退唔到燒 結果要打抗生素 同要放棄人奶(醫生話我打抗生素，人奶會唔同左味，驚bb遲啲會唔食，同厭奶) 結果我嘅情緒爆發 當我以為經歷過一次 第二次會有經驗嘅時候 原來上天總會俾不同嘅體驗你 ????????‍♀️