懷孕之前 都有聽過妊娠紋 只要一出現 就好難將佢擊退 有機會跟足你一世同你做最親密既朋友 正正因為咁 我早在第7週時就開始用防範妊娠紋既產品 同埋我都發現我個肚都漲得快... 都擔心好易出紋 分享一下我由第7週開始到宜家38週都仲用緊既產品!!! TOUCHWOOD 現時為止真係一條紋都無 :) BEYORG x Primavera 有機甜杏仁油  我使用既一SET有3支 兩支有機甜杏仁油、一支有機小麥胚芽油 呢個套裝係屬於最BASIC個款預防妊娠紋配方 (佢有更高一級的) 咁你買左之後 售貨員就會即場幫你將3支油混合好 每次開一支出黎使用就OK了 咁成份方面: 有機小麥胚芽油 : 含豐富維他命E，令肌膚於孕期保持柔軟，加強血液循環、提升肌膚彈性 有機甜杏仁油：多功能身體護理油，含豐富脂肪酸、卵磷脂、維他命等營養 正正因為有機  100%全天然配方，對懷孕媽媽同寶寶都健康 唔需要擔心有冇咩防腐劑/添加劑 咁因為100%天然 需要開封左之後2-3月內使用完 因為我早晚都會使用 其實一支都用得快 2-3月內用完絕對冇問題的 同埋可能真係擔心出紋 我係重手地使用 將個肚仔都COVER唒甜杏油 可能一開始會有D唔習慣 油油的 就算等左一陣吸收左小小之後蓋番D衫都會有痴住感 但習慣左就好了 同埋佢都好快會被皮膚吸唒 夜晚茶完就算宜家孕後期半夜去廁所 肚仔都乾爽番唒了 ***其實佢都好建議係懷孕初期就開始使用, 以達到最佳效果*** 澳洲Blackmores Vitamin E Cream 到大概28週左右 天氣乾燥 總覺得好似唔夠潤 (其實可能心理作用 因為用油應該好滋潤的了) 之前都一直有用BLACKMORE既VE CREAM茶下手腳 因為我本身皮膚過敏底又易乾 呢隻CREAM茶完之後幾好幾潤的 就係咁 我決定用完有機甜杏油 ON TOP 再茶一層薄薄的VE CREAM =V= 心理上即時好保濕  就好似有左個天然屏障係個肚仔度咁 保濕得黎又可以防止到水份流失咁!!! 成份: 以精萃成份「維生素 E」及「牛油果油」、「杏仁油」作為主要成份 - 讓肌膚變得水潤而達到保養效果 都大家分享一下31週時的肚仔 分享完成!!!! *V*