懷孕期間 除左專注研究買BABYLAU各項用品之外 當知道左BINGO我都即刻睇下邊D護膚品係純天然 咁先適合孕媽媽使用 (始終怕用係自己身上會唔會影響到BB) 同埋睇下有冇特別補給品要食 下面同大家分享下我用既產品:) 洗頭水方面: 我就選用SANS CEUTICALS 既洗頭水、護髮素、髮尾精華 SANS 係法文中 = 沒有意思 品牌理念化表住純粹自然無添加 最主要原因佢冇含有16種市面上係洗護產物上搵到既化學添加物: X 人工色素  X 人工香精  X 類固醇  X 防腐劑  X 硫酸鹽  X 石化物質  X 鄰笨二甲酸酯 X  乙烯  X 聚乙二醇  X 聚丙二醇  X 乙二胺四乙醇  X 氧化鋁  X 動物實驗 剔除冇含有一大堆我都唔太熟既化學物之外 REGIN屋企有養貓貓 冇使用動物實驗又加了分!!! 最重要既係佢所含既使用成分都係為「孕婦可用」 孕媽媽唔需要擔心 而且有皮膚科醫生同專業既肌膚護理師一齊研發 確保低敏性 就算係屬敏感肌既我都可以安心使用 所挑 我所挑選既係Nourishing系列 -- Nourishing Hair Wash + Nourishing Hair Hydratant  即 "專利木糖醇角蛋白滋養洗髮露" + "專利木糖醇角蛋白滋養護髮素" Nourishing系列主要係適合乾性 / 易毛燥同曾經染燙過既髮質 (即屬於修復脆弱乾旱頭髮) 因為之前結婚關係 我又漂又染d頭髮.... 其實頭髮都好傷 所以我就簡左呢個系列嘗試一下:) 主要成份有4大種: 1. KERATRIX : 專利角蛋白  2. AQUAXYL : 專利木糖醇  3. 維生素B5  4. 甜菜萃取物 而我都訂多左支精華噴霧 MOISTURE + PROTEIN INFUSION 20''  佢既成份都有專利角蛋白、木糖醇 仲加左D維他命B 可以修護番受損左既髮絲 佢地既護髮素有別於一般品牌 之前我有用VS 質地好似流質狀豬油膏咁  沖洗係需要花多D時間咁先會洗乾淨 但沖完之後頭髮又未必真係好滑好順 但SANS CEUTICALS 呢隻有D唔同 佢係CREAM狀咁 茶上髮之後有種滑滑感覺 而沖洗都好快洗乾淨 但如果之後用埋精華 頭髮的確係滋潤左 但始終都要用一段時間先有明顯功效 畢竟把頭髮比我摧殘左10年.... 而我都想一讚佢地既AFTER SALES SERVICE 話說佢地第一次係寄錯左PRODUCTS比我 比左兩支Hydratant... 冇Hair Wash 咁我email番佢地Customer Service之後 係第二個工作天極速回覆 仲當日即刻寄番支Hair Wash 比我 佢地比埋郵費 我都好滿意佢地既服務!!! 護膚品方面: 我就選用左EVE LOM既卸妝+潔面GEL、保濕精華、全效保濕面霜 品牌理念 - 「LESS IS MORE」認為真正優質產品應是簡單、精要高效 選擇EVE LOM最大原因都係因為十分適合孕媽媽使用 成份天然 最重要朋友使用完之後都讚不絕口 我所挑選的都係高效保濕系列 因為REGIN的肌膚底層長期缺水 導致好容易出油 潔面GEL包含丁香精油有助抗菌、尤加利精油可以幫助清潔毛孔免阻塞 麻草精油可以幫助潤澤、而埃及洋甘菊精油就可以軟化同舒緩敏感既肌膚 而極緻保濕精華有透明質酸 可以延長番肌膚保濕時間 同時都保護同令到肌膚好似飲飽滿水變得水潤 全效保濕面霜有新一代透明質酸PrimalHyal Ultrafiller 可以即時將肌膚補水鎖水 令到肌膚柔軟細緻 飽滿健康 長遠更可滋養同刺激膠原蛋白增生 改善細紋皺紋 佢地配方同時都加入抗氧化+抗污染既桃花同苦薄荷萃取 可以保護肌膚免受污染和氧化傷害 咁的確精華同Cream真係好保水鎖水 我都好耐未試過第二朝起身塊面係冇油淋淋既feel 同埋精華我都有用過澳洲既Synergies B3 比較之下 EVE LOM 呢隻更加快比皮膚吸收 功效亦比較明顯 最重要係兩者價錢都係差不多一樣 咁我會推薦大家試下EVE LOM!! 但題外話 Synergies既Vitamin A 精華好用 係修復同去黃上 真係唔錯:) 營養品 / 護理產品方面: 滴雞精我就簡左少爺滴雞精 - 選用100日台灣少爺土雞 不含雌激素 不燥熱 同冇打生長激素及抗生素 以益生菌餵飼 滴雞精含豐富氨基酸、膠原蛋白、蛋白質、零脂肪、零膽固醇 所以都好適合懷孕媽媽飲用 其實我之前都飲過另外兩隻滴雞精 但都加左藥材 始終每個人體質都有所不同 唔知道個D藥材岩唔岩自己 所以當我見香港都有代理賣少爺滴雞精個陣 我就轉飲左佢地了 最主要都係想長胎 提供多D營養比BABYLAU 咁飲完之後係好似精神左咁既 呢d都係BONUS 最重要補給營養比BB 孕婦益生菌我就簡左PROVEN PROBIOTICS - 補充身體益生菌提升番腸道健康 幫助促進消化系統同增強番媽媽免疫力 而當中最吸引我既係 --- 有效減低嬰兒過敏體質產生 (因為我本身就係過敏體質....) 佢網上寫既功效係下面各項 分左懷孕媽媽同寶寶 孕媽媽: 調理懷孕媽媽秘 / 腹瀉 提升孕媽媽腸道健康同免疫力 促進消化系統機能 (胃氣、肚脹、消化問題) 寶寶: 優化寶寶免疫系統  減少日後過敏體質產生 臨床結果顯示 寶寶將來有過敏 例如敏感肌、鼻敏感等風險可大大減少 咁食左之後的確幫助到便便 因為唔知係咪日日都食葉酸飲奶.... 搞到便秘 /___\  但最希望都係可以減低BABYLAU過敏體質風險 佢一切都好我就安心了 葉酸同藻油DHA 我都係選擇左惠氏 其實葉酸同藻油DHA方間好多品牌都大同小異 只要簡番一隻自己有信心既品牌就OK了 所以係呢兩隻營養品上就唔多講了XD    孕婦鈣片我就選擇左HOLDBODY - 醫學級冰島天然海藻鈣  不含有害重金屬同有澳洲TGA安管局認證標準 功效方面係下面咁多項: 強健孕媽媽骨骼結構及肌肉健康 預防骨質流失 維持健康骨骼密度 預防產後骨質疏鬆 提供懷孕期間寶寶  /  餵哺母乳既媽媽+寶寶骨骼牙齒發育所需要既鈣質 其實我係28週開始食  因為之前一直都冇抽筋問題  但突然有日朝早抽筋 醫生話可能唔夠鈣建議我食鈣片 咁比較完之後見HOLDBODY係天然產品 鈣係冰島海藻提煉而成  而且產品仲有專利CBP(100%純天然牛初乳清蛋白) 同活性維他命D(VitaminD3)  有助提升鈣質吸收 咁食完之後的確我就冇左抽筋問題 因為都已經係懷孕中後期 我會一日食3粒:) 而係30週開始 剔除我會睇中醫清胎毒+調理身體之外 我仲有開始食黑芝麻醬 - 純100%天然 不混豆不抽油 無防腐劑香料色素 朋友話可以有助寶寶長頭髮 *V* 所以就托朋友幫我買左一樽 的確帶有好濃既黑芝麻味道  最重要就咁用黑芝麻研磨 無糖 無添加 幾好食 早晚一茶匙 再用溫水服用就可以了 除左想幫BABYLAU長頭髮 黑芝麻係中醫角度仲可以潤腸 所以我既中醫都幾建議我食     亦都因為懷孕後期 都開始擔心餵人奶會唔會塞奶 又好希望可以奶路暢通 有足夠既母乳比BABYLAU 咁都係朋友介紹之下認識到卵磷脂 而選擇BHK 都係本住一試 因為咁岩搵卵磷脂時FACEBOOK廣告介紹BHK BHK - 專利萃取  磷脂質純度達60%以上  幫助媽媽哺乳順暢  同硬梆梆SAY BYEBYE 因為都係預防 所以一日早晚食一粒就OK了 而如果餵哺時真係咁唔好彩有塞奶狀況 佢建議一日食4粒的 而到左懷孕後期 私密處分泌又多了.... 的確都係一個困擾 =_____= 咁岩係BHK睇卵磷脂時 發現佢地都有另一隻產品清潔私密處 孕媽媽都可以使用的 於是一次過訂埋試下 紅萃私密潔淨慕斯 - 私密潔淨 X 自然防護  "清爽平衡  舒緩不適" 我都已經使用左兩星期 SO FAR 冇再咁痕癢 好似清爽左 咁當然孕後期分泌多呢樣係冇得改變的 起碼改善左小小私密處唔太舒適既感覺 而我都只好勤力D更換護墊 護墊都係選擇PH5.5值的 :)   今次既分享係咁多了:) 遲D再分享下寶寶都岩用既消毒清潔用品呀!!!