孕期不知不覺就黎到35WEEK了 都係時候執執個入院走佬袋 方間上都有好多唔同類型既媽媽待產包 只要係住院期間需要用到既衛生用品都會有 但建議先睇睇醫院會提供咩用品比各位媽媽先 唔好心急 唔係就好有可能買到重覆既用品 特別係選擇私立醫院生產既媽媽 醫院真係包左好多野 睇清楚清單先再選擇所需物品 我就選擇左仁安醫院生BB 同大家分享一下我既走佬袋有D咩 1. 身份証、信用卡、少量現金 2. 入院信、訂金單、檢查報告 3. 保單 4. 內衣、睡衣、襪 5. 細毛巾 (擦拭身體用) 6. 潔膚用品、髮圈、髮夾 7. 保暖壺、飲管 8. 口罩 9. 產婦衛生巾 10. 細膠水盆 (擦拭身體用) 11. 出院BB衫、包巾 12. 出院媽媽衫、外套 13. BB籃 14. 充電線 *** 11-13可以待出院之前一天先叫老公帶黎醫院*** ***防溢乳墊可以睇產後情況如何 (通常3-4日先上奶) 有需要先叫老公帶都OK ***   仁安醫院包既項目(媽媽): I. 產婦衛生巾2包 II. 床墊10張 III. 理沖洗器1個 IV. 網褲4條 V. 個人清潔用品 & 拖鞋 VI. 外用薑水 (擦拭身體用) 仁安醫院包既用品項目(BB): I. 奶粉、衣物用品、尿片 ***所以基本上只需要出院之前帶一套BB出院衫就OK了***   卸貨日愈黎愈近 真係又期待又緊張!!! BABYLAU 我地好快見了 =)