諗返起最初知道自己有咗，都幾驚訝，因為都係計劃之外。 諗返起中招日子，係趕緊份4000字paper. 5月份，完左呢個sem D功課，諗住好好抖下 月中突然覺得胃痛，之後開始個人好攰，再加上月經遲咗到，之後買咗棒去驗。 哈哈，真係有咗啊。 知道咗之後就星期一即刻去門診拎張醫生紙證明 pregnant +ve, 之後就要打電話去book 架啦。   由於係公務員，可以揀PWH，QE，QM。PWH就好近屋企，但有護士朋友都係叫我去QE生，再加上聽過PWH既逢針麻麻，配套唔夠QE好，所以最後都揀左QE。 登記係可以fax 去 1. 醫生證明 2. 爸爸媽媽身份證copy 3. 住址證明 留埋聯絡電話，醫院收到好快就聯絡你。其實個陣我已經有左8星期，而QE出名多人，都擔心好多期都book 唔到，好好彩第2日有得去登記驗野，就拿拿聲答應。 第二日，晨早去L座1/F （醫管局職員診所）個到登記。第一次去都無乜特別，磅下重，流小便，見下姑娘，幫你約驗度頸皮，結構仲有第一次見醫生個期，好彩都仲有位。因為度頸皮個D 要係12周到做。 之後比D小冊子你，又叫你報下產前講座，懷孕時有咩注意等，佢地都recommend 去睇私家（第一次見醫生已經係30周）。講完晒，去埋抽血就得。抽血驗小便係check 有冇麻疹個D。 成個過程應該一個鐘攪店，都算快。