今日想分享下一個關於芝士嘅工具。 好多媽媽都會比芝士小朋友食呢？芝士含豐富蛋白質、鈣、多種維他命B、磷等等，對身體好有益，衛生署1歲後比個本書仔都有講可用芝士代替牛奶令食物多樣化。片 我通常都會買芝士櫃或超市買芝士磚，因為於片裝芝士或者芝士粒都係合成芝士，會有防腐劑、色素、乳化劑、色素、味精等唔係咁健康嘅野。 問題就來喇，一舊芝士如果每次切少少比bb，因為成日開開關關，就算放保鮮袋都會接觸到空氣同雪櫃嘅霧氣，令舊芝士未食晒已經發霉，而且因為芝士係大舊裝，如果想整餸時加埋落去都好唔方便。 終於比我係偉大嘅淘寶大神搵左樣神器，你只需要將芝士切一舊出來再放落去攪，芝士就會由一舊變做碎，我一次過舊一盒仔，煮野時可以落少少，大人焗pizza煮都可以用埋，好方便。而且呢個碎芝士器可以成個拆出來洗，價錢又平體積又細，所以我真心要分享下。 我唔知呢度可唔可以放link, 如果你地想買可以用將相同keyword search下 ------------------------------------------------------------------ 如有任何問題或合作，歡迎聯絡: renee_mama@yahoo.com 或facebook inbox至https://www.facebook.com/Reneebblife/