寫咗半篇blog, 手殘click錯野, 咩都無晒, 求安慰 買BB飲水壺的考慮因素 1. 易唔易拆易洗易砌易甩 始終飲落肚，日日用，日日洗, 易拆易洗好緊要, 你知啦,做人呀媽都真係爭分孚奪秒 b box 新款個波波拆唔到, 真係比較頭痕 B box 條真空膠環有分底面, 豆沙爸爸次次都上唔好，就漏水漏到褲都濕埋 豆沙婆婆又試過去海洋公園洗水壺, 番嚟無咗條飲管 2. 易唔易爛,掟爛/咬爛 豆沙掟爛咗兩個，都唔知叫唔叫易爛，定其實豆沙太暴力 如果同樣暴力的小朋友，強烈建議你買不鏽鋼，跌落腳會痛，小朋友會睇住（雖然都可能照掟） 豆沙有兩個b box, 一新款一舊款,兩個都咬爛晒飲管，佢有一日仲飲飲下水係個口到拎舊膠出嚟俾我, 同D 媽媽傾開,b box 咬爛飲管原來係好普遍 BTW, B box 個說明書有寫明大約意思係 叫大人make sure 唔好俾小朋友咬飲管(唔記得exact wordings), 仲記得豆沙媽媽睇到個句之後忍唔住反咗兩個白眼, 試問點樣俾小朋友啜嚟飲但又control 到佢地唔咬, 小人愚昧,真心請教... (Btw 係媽媽谷到講開，有媽媽係用richell,又係俾呀女掟爛，不過竟然係爛手柄同蓋，（豆沙遇到對手啦!）豆沙媽媽就正好俾埋爛咗個樽身，淨低的配件俾呢個媽媽，等佢儲齊一套又用得番) 3. 配件有無得配,易唔易買 有無得散買飲管配件，易唔易買都係一個考慮因素 pigeon / richell / combi 各大百貨公司,BB shop 都有, 好易搵到, B Box就一般般,要搵bb shop 嚟買 richell 配件都有好多唔同款, 有S-1 / S-2,好複雜, 記得唔好買錯 (因為豆沙姨媽買錯過豬咗) 網上面搵到呢D配對圖, 真係要做下功課先好去買 4. 裝到幾多度水,裝唔裝得奶,湯, 汽水(?) B box 有分新舊款, 新款可裝暖野, 舊款唔得 (下圖可以睇點樣分新舊款) 保溫款通常唔ok for 奶, 怕D 奶會變, 不過thermos 有寫within 30 min 係 ok 的, 不過奶粉沖咗一個鐘之後都唔飲得 photo cap fm https://bbox.com.au/pages/product-faqs 5. 有無手柄 有無得拆 有手柄就BB易拎D,無手柄就出街慳位D, 有得拆就flexible D 豆沙個新thermos 就係有得拆ge (下圖), b box 就無 6. 透唔透明 有無刻度 睇住佢飲幾多水  7. 易唔易瀉 普遍都唔易瀉 (除非人為手誤refer to point 1 豆沙爸爸) 不過上次去日本搭飛機,一個唔記得, 因為真空, 個b box 就 漏到個袋濕晒 8. 容量大細 同 重量 買第一個保溫款, 婆婆話驚太重 豆沙會飲到攰,豆沙媽媽都唔肯定. 不過, 裝滿又真係有啲重 BB飲得多水可以買大D,唔駛成日幫佢加水 9. 保唔保暖 中醫角度, 始終BB 都係飲暖水會好過凍水 10. 可以點清潔 可唔可以滾水陸嚟消毒? 呢個好緊要. 入唔入得洗碗機,蒸唔蒸得? 原來每件配件都可以唔同ga 豆沙個新Thermos 的 說明書 11. 易唔易啜 初學用飲管 b box真係唔建議, 公認難啜到 另外豆沙買咗個 360 度防漏飲水杯，太大，豆沙未handle到 無手柄,難控制隻杯的斜度 又要個口大力咬/含落去先有水出 暫時又係打入冷宮 題外話, 初學用飲管 誠意推介 呢個 ，特別推介買set 裝 抵好多. 佢係大人按落去就會有水出，可以訓練bb 學用飲管 豆沙都係靠呢個學識用飲管. photo fm https://my8191.com/plauso/richell%E5%88%A9%E5%85%B6%E7%88%BE%E6%B0%B4%E6%9D%AF%E7%B5%84%E5%90%88-%E6%9B%BF%E6%8F%9B%E5%90%B8%E7%AE%A12%E5%A5%97%E5%85%A5-%E6%A8%82%E5%A4%A9%E5%AC%B0%E5%B9%BC%E5%85%92%E7%94%A8%E5%93%81/ photo fm https://www.champimom.com/2018/07/25/%E5%8A%A0%E5%9B%BA%E5%AD%B8%E9%A3%B2%E6%B0%B4%E7%B7%A8%E8%BC%AF%E7%B2%BE%E9%81%B84%E6%AC%BE%E4%BA%BA%E6%B0%A3%E5%AD%B8%E7%BF%92%E6%9D%AF (網上圖片) set 裝係咁樣的, set 裝計番價錢平好多, 另外仲見過pikachu 款, (好得意) (網上圖片) 不過如果bb 一嚟就識啜飲管就唔駛買到呢個杯啦 (唔知BB識唔識啜,可以拎小朋友包裝他他奶D飲管放落杯俾佢試) 因為學識咗之後個杯就好似無咩用 一學識之後, 豆沙飲親水就瘋狂自己按個杯，當水槍咁玩水, 我地要即刻收起隻杯 反而到佢近排大啲, 學用杯飲水，拎走個蓋俾佢用就幾good fit, 細細個有手柄, 好控制,無咁易飲到成身濕 12. 將來的需要/ 可持續發展 sustainability 買個水杯都要講sustainability??!! 其實係因為通常學飲水有分幾個steps, 由用飲管>用細咀>大咀>用杯, 但有D 小朋友又會skip steps. 下面呢D set 裝 就照顧晒咁多steps 又可以用番同一個杯, 就唔駛買太多個 通常用一個牌子都可以自己同自己配番嚟用 大家可以做多D二功課先入手, 始終小朋友有唔同的階段就有唔同的需要,買之前諗長遠小小,慳番D錢, 又減少浪費,對地球又好D, 何樂而不為 (網上圖片) (網上圖片) 利申: D 圖好多都係richell, 一嚟佢真係多人用, 二嚟,豆沙媽懶得搵其他牌子, 其實 pigeon / combi 都有出類似的set 裝,大家可以自己搵嚟睇下 BTW, 個按制學飲水杯就真係好似得richell 先有