【20wk 照結構】 #艾莉奧媽媽懷孕週記 今個星期係boyboy20週啦， 夠歲數可以去 #照結構 啦！ 照結構對每個媽媽嚟咩係又緊張又興奮嘅事， 雖然平日產檢見到bb個樣，但係照結構係可以更詳細咁檢查bb嘅器官，睇下會唔會健唔健康啦，子宮頸胎盤胎水係咪唔合乎標準，bb會唔會有啲器官有咩隱性問題對佢出世會有咩影響。感恩boyboy一切都好健康，有0.7-0.8磅啦， 重嗰一包大包檸檬茶多少少????。 未出發之前一早起身，boyboy已經好興奮呀成朝喺度郁嚟郁去，不斷翻滾，我仲問佢做乜咁興奮呀，係咪想快啲見到爸爸媽媽，點知去到醫生到佢就玩嘢，瞓覺ok但用個背脊得住我。???????????? 明明我先前幾日已經同boyboy傾計，叫佢照個時要乖乖面向我哋等我哋清楚見到佢。可惜當日照咗兩個幾鐘先得，真係畀佢玩死我等到眼瞓????。 佢大部份時間都係背脊向天縮埋一舊，真係話佢唔係我老公個仔都唔得呀，因為奶奶話以前老公細個就間唔中好鐘意跪住地面貼地板咁瞓(即係ORZ) ，嗰兩個幾鐘佢個仔就係咁嘅捲住瞓，我哋只可以等完又等，希望佢會轉身。 最後為咗可以見到佢，唔好再搞咁耐，我出咗必殺技，就係不斷搖個肚腩搖醒佢，重要原地彈幾下????????，佢老豆即刻話我黐線 ????????。 好彩醫生好細心又有耐性啦，我哋出出入入四次呀先照得完。成個過程醫生都照得好詳細，話你知邊的係大腦小腦，心臟血流情況，心室心瓣有冇穿窿， 手指腳趾齊唔齊，有冇搵到JJ ????，最緊要又會睇下臍帶係咪正常會唔會纏住bb，好彩艾莉奧媽媽有讀過bio基本生物概念我都認識嘅。 最後醫生畀咗一張側面相同埋一隻cd畀我。我覺得成個過程最開心嘅係能夠見到bb係自己肚入面成長咗20週擁有健康嘅身體，係最感恩同最開心嘅????????。 當你做咗媽媽就會發現要一個bb健康成長，其實係唔簡單，當中真係要過五關斬六將，頭3個月難捱嘅適應期，病左食藥又驚影響bb，太操勞又會流啡，最怕係陀得穩定左後個肚突然好痛，唔知係咪宮縮。有人會覺得大肚婆好似成日大驚小怪，但係當你嘅身體盛載緊另一個生命嘅時候你就會好緊張。當然唔好過份擔心啦，適當地注意自己身體狀況就好。 媽媽保持心境開朗，輕鬆愉快心情對BB黎講係好大意義，因為媽媽日情緒係直接會畀bb感受到亦都會影響佢將來情緒發展。 所以我自己都好鼓勵媽媽日日同bb傾偈， 日日都幫佢打氣咁bb都自然充滿有正能量去成長。 我每晚臨瞓前都會同老公同boyboy一齊祈禱????， 當我每次祈禱嘅時候提起佢時，佢都會特別郁下，我知道佢係聽緊嘅 ???????????? ，所以大家唔好睇少每日傾計嘅時間呀。 #照結構醫生價錢好抵 #但係一定要預先book #即使產檢都要做精明消費者 #boyboy成長記 請支持艾莉奧媽媽Facebook: https://bit.ly/2OGnomZ