去年10月尾已經想整荷葉飯比BELLA食, 但當時樓下雜貨舖嘅荷葉賣哂, 老闆娘話 唔會再返貨 叫我 下年先嚟買, 雖然今年又係遲咗少少, 不過好彩都俾我買到, 唔使特登再走去出面搵。 荷葉飯對於鍾意食有味飯嘅小B嚟講真係啱哂, 因為蒸完之後成個飯都香噴噴入味, 今次我先將飯周同食材炒完再蒸, 如果媽媽怕油唔想炒, 其實亦可以直接用荷葉蒸, 至於選用食材,真係可以好廣泛, 唔一定要跟我嘅, 總之唔好揀啲影易出水或容易爛嘅食材便可。 今次我用嘅係雞柳肉,蝦仁,本菇等, 特別一提腦左少少瑤柱粒吊味。 <<18M+寶寶版香味荷葉飯>> 材料: 蝦仁三隻 雞柳一條 本菇一小瓣 青瓜及紅蘿蔔一小截 南瓜一小件 瑤柱粒數粒 荷葉兩塊 香白飯一碗 雞蛋一隻 做法: 先將青瓜紅蘿蔔及南瓜切粒、本菇切開兩節。 雞柳切粒,再用少少bb麻油及豉油醃半小時。 用半碗暖水浸軟瑤柱,約半小時。(瑤柱水留著備用) 蝦仁洗淨後,用少少鹽醃半小時。 荷葉先沿邊修剪整齊,沖洗乾淨, 再放入滾水中飛水兩分鐘,軟身後澀乾水份備用。 平底鑊放少許油,油熱後放入雞柳粒炒至半熟, 再加入南瓜粒、青瓜粒、紅蘿蔔粒及本菇。 直至本菇炒到七成軟身後,再加入瑤柱粒,略壓碎炒勻。 再加入白飯及瑤柱水炒勻。 打開一片荷菜葉, 在沿邊修剪荷葉嘅大細, 尺寸以可以四面邊包裹飯料為準,下面放一隻碗或碟盛住。 先放三隻蝦仁於中央位,然後再放入炒飯。 將荷葉以下右上左四邊包緊飯料,唔好包得太鬆。 包好後返轉,再將它放在第二塊荷葉上, 再以同樣方法包裹一次。 水滾後中大火隔水蒸30分鐘。 喜歡的話,可以跟我一樣,煎一塊蛋皮切絲“加料”點綴。 底部荷葉剪開方口,把蛋絲放蝦仁底下即成。 荷葉飯有濃濃天然香味,好開胃。 ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss