早排趁住有個短假期，就即興約埋屋企人訂咗「迪士尼好萊塢酒店」住返一晚。 於迪士尼官網訂購，仲有7天前預訂房間85折優惠。而持有迪士尼奇妙處處通會員卡訂酒店房間，亦可享免費升級服務。   由於我哋趕唔上7天前預訂，所以只享有奇妙處處通會員訂房優惠，房間仲升級至高層豪華客房，一家三口房間價錢為$1,870 (價錢只供參考，實際房價以迪士尼訂房部為準)。     [ 官網訂購 ] https://www.hongkongdisneyland.com/zh-hk/hotels/   香港迪士尼度假區共有3間酒店， 1. 香港迪士尼樂園酒店 2. 迪士尼好萊塢酒店 3. 迪士尼探索家度假酒店   而只需入住其中一間酒店，就能夠免費享用3間酒店嘅設施，包括泳池、兒童遊樂設施、精彩活動等。   另外酒店正門外，亦設有接駁專車，可以往返迪士尼樂園再轉接駁巴士到另外兩間酒店。但如果要前往迪士尼探索家度假酒店，我建議步行會更加快捷，步行大概5-10分鐘左右就能到達。     首先，先介紹我哋入住嘅酒店「迪士尼好萊塢酒店」吧。我係經「迪士尼酒店」訂房部訂購是次酒店，由報價到付款大概10分鐘時間。如果需要餐飲(自助餐)，可同職員訂購，我上面提及嘅房價$1,870已包括稅，但就不包自助早餐或晚餐。   一經訂購，就收到「提前在網上預辦入住」嘅電郵，以便登記。 不過，最後我都係選擇即場到櫃台辦理服務。等候時間唔算好耐，大概5-7分鐘左右。 同時，需要出示所有入住房間嘅成年人身份證做登記。     酒店限定版精品，穿上浴袍嘅米奇公仔 ($198/隻)     入住酒店仲附送一張優先入場證，遊戲任擇其一。   酒店大堂等候位置、休息區都算足夠。而呢個區域就特別適合小朋友，因為有卡通片睇。     成功登記，馬上就拎好匙卡準備上酒店房啦~     匙卡共有2卡，卡套內附自助餐優惠券。   「迪士尼好萊塢酒店」共有9層，升級咗之後我哋係入住高層9樓嘅豪華客房。       窗外景色，係酒店泳池景。     ^ 茶水間位置，有熱水壺及暖壺提供。   ^ 休息區   ^ 亦有唔少購物優惠券及換領禮物贈券   ^ 記得用免費禮物換領贈券，到任何一間酒店內嘅精品店換領禮物哦~   ^ 浴室方面，設備都完善，係浴缸嚟嘅。   ^ 超可愛嘅米奇造型沖涼液及洗頭水套裝   ^ 壓有米奇樣，超可愛嘅番皂 (唔捨得用呀~)   ^ 衛生用品   「迪士尼好萊塢酒店」嘅酒店設施有馬里布遊戲室、鋼琴型泳池、室內遊樂場     馬里布遊戲室 適合幼兒及兒童，除咗有煮飯仔廚房區、積木玩具，仲有其他電子遊戲。     以及靜態遊戲，學摺紙 (今次主題係阿Jack及維尼熊)   酒店入面嘅萬聖節影相位     酒店內亦設有主題精品店     「迪士尼好萊塢酒店」嘅鋼琴型泳池，水深最深1.3米，仲有滑水梯、按摩浴池。     ^ 泳池內其實亦設有更衣室   ^ 泳池內面設有免費儲物櫃、毛巾、救生衣   ^ 水深最深1.3米，最淺嘅區亦適合幼兒，唔怕浸親   ^ 淺水區水深都只係到腳眼位置，仲設有幼兒玩水套裝   酒店另外設有康樂活動時間表，     三間酒店嘅康樂設施開放時間:      晚餐我哋選擇咗到米奇廚師餐廳，食自助晚餐。食物款式都好多，質素亦不錯。     ^ 頭盤選擇亦好多，長腳蟹、蝦都有好多。   熟食方面，選擇亦都多，有中式、西式、粉麵、中式(壽司、刺身)都有!!   仲有萬聖節主題嘅甜品區         ^ 飲品方面，仲有萬聖節特飲       而最開心就係，成晚都有著住廚師衫嘅米奇老鼠喺到~ *每台會有一張影相證，只限影一次   第二朝，我哋一早就過咗「香港迪士尼樂園酒店」玩，因為早上9時有「高飛師傅太極班」。 活動時間大概30分鐘左右，最後仲可以同高飛一齊影相留念。       「香港迪士尼樂園酒店」大堂設計以古典優雅風為題，所以入到嚟即刻覺得好高貴呀~     ^ 米奇、米妮雕像   ^ 萬聖節主題擺設   「香港迪士尼樂園酒店」入面有兒童活動中心、24小時健身室、米奇迷宮、室外遊樂場、游泳池、網球場及多功能球場、桑拿浴室、蒸氣室及按摩池。   ^ 米奇迷宮   參加完高飛師傅太極班，我哋再過「迪士尼探索家度假酒店」食早餐同埋玩。   ^ 呢間酒店以探險、異國風情為題，唔知點解我第一個聯想到就係「泰山」嘅故事。   「迪士尼探索家度假酒店」入面有多間餐廳，我哋揀咗呢間食早餐。     食飽之後，我哋再到「海底奇兵小天地」(遊戲室)。呢間遊戲室相對比「迪士尼好萊塢酒店」馬里布遊戲室大至少一半，設施亦較新及多元化。     ^ 電影播放專區，正在播放「怪獸公司」   ^ 靜態活動 - 填色、繪畫、手工區   ^ 有滑梯   ^ 繩網陣   ^ 大型積木遊戲   ^ 幼兒滑梯區   ^ 留意酒店內之宣傳單張，就可以免費參加興趣班   自駕人士入住酒店，記得要通知櫃台職員係有揸車入嚟。 職員就會為你安排一張停車場通行證，將通行證放於車內顯眼位置，以便識別及免費泊車。 (亦適於用3間酒店停車場)     萬聖節期間嘅香港迪士尼樂園，氣氛亦十分好，亦有好多萬聖節主題商品發售。     ^ 阿Jack嘅骷髏手手套   ^ 仲有換上萬聖節服嘅高飛同埋布魯圖   ^ 超鍾意高飛嘅和牛B   ^ 到處都有萬聖節嘅佈置影相位         -------------------------------------------------- 歡迎聯絡我&和牛B: chungying56@hotmail.com Facebook專頁: 和牛B嘅成長專頁 Instagram: wagyubmami                -------------------------------------------------- 姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。