之前篇Blog 講過點可以安排到政府產檢，當我收到政府寄黎既信，裡面有齊注意事項，去產檢前準備d咩，同果個產檢係做d咩 而政府安排我第一個產檢係岩岩好13週，做唐氏綜合症既檢查 第一次去冇叫我帶d咩，所以帶依份文件就可以，但我都帶定所有懷孕證明同註址證明等等 當我去到瑪嘉烈醫院，可能我係早果批，我第一次產檢係安排10:00AM ，所以係K座地下既時候，排隊人龍唔多，等5分鐘就入到LIFT，但去過瑪嘉烈K座既都知道，K座坐Lift係永遠排長龍，所以如果媽媽們係去瑪嘉烈，記得要有心理準備排長龍啦 咁好彩我第一次產檢順利咁上左9樓，之後就去接待處登記，再自已度高,磅重,量血壓  接待處會派依張野 之後自已做曬度高，磅重，量血壓坐係度等姑娘叫名，佢一開始叫你核對地址，姓名，電話，出生日期等等 咁岩我發現佢地址打錯左，要出示返註址證明更改，所以大家帶齊野去係真係以防萬一 之後核對完再等叫名入房啦~ 我等叫名都等左成個鐘 10:00am正準時到達，11點先核對資料，再等多大約30mins，終於叫入房啦 入到房又係問下第一次經期，有冇病痛等等，之後就上床照超聲波啦 個姑娘會幫呀B度頸皮睇下會唔會過厚，好彩地嘟嘟好乖，好健康，姑娘仲有同我講佢d手仔，腳仔，同話呀b好活躍 之後照完就同我講，呀b成長線好好，醫院唔會俾我照結構，叫我自行出面搵私家醫生照，因為佢話我唔係高齡產婦，所以醫院冇辦法安排俾我，叫我大約20週到係出面照結構 傾左陣就出房，再等姑娘叫名，抽血... 總共俾姑娘抽左4枝血，佢每抽完一支，我就問...抽完未...哈哈，雖然姑娘手勢好好，完全唔覺得痛，但見到佢不停抽，都唔好話唔驚>< 之後佢抽完就話如果1星期內收唔到電話，就代表冇事，你走得啦... 就係咁，我就完左政府醫院第一次既產檢 係12:45PM離開K座，當我落返去地下大堂既時候，見到條人龍，係絕對嚇親，所以話我10:00AM既產檢安排，我都好滿意 今日既產檢老公冇陪我去，因為佢要返工，而我老公以為政府醫院係唔會照超聲波，佢睇唔到BB，所以佢係極之無興趣調假同我去 哈哈，所以我老公知道今日產檢係有得見BB既時候，都話: 唉，見少左一次tim... 總括黎講，第一次瑪嘉烈既產檢等左2小時45分鐘，係我預期既時間，因為都知政府檢查會好多人。 希望大家鐘意睇我既分享，我係新手90後既媽媽。 本文章所分享既所有內容均屬個人意見及感受，並不代表該品牌/醫療機構之言論及立場。 如從而引起任何損失或法律糾紛，本人概不負責。 如有產品試用及工作坊邀請，歡迎聯絡我，Thank you! Email: angel05060825@hotmail.com