當我第一次產檢完~ 產檢醫生就叫我開始諗下去私家生定政府生 係果一刻真係冇諗過去私家生 一心覺得私家生一定要十幾萬(好明顯我係新手，因為完全唔知行情) 所以我決定返屋企做多d資料搜集 由於我係住離島區 所以可能只幫到離島區媽媽/葵青區媽媽們 點解話幫到葵青區媽媽們呢 因為我雖然住離島區 但其實如果我係政府醫院生既話 只有瑪嘉烈醫院選擇 因為北大嶼山醫院 同 仁濟醫院係冇產房 所以如果我係政府醫院 只可以選擇 瑪嘉烈醫院 咁得一個選擇都冇辦法 因為私家醫院生BB真係太多洗費 但我又好奇地 搜集左3間私家醫院 分別 聖德肋撒醫院(法國醫院)/荃灣港安醫院/仁安醫院 如果有媽媽想係依3間既醫院生 可以繼續睇落去~ 1) 聖德肋撒醫院(法國醫院) 以我所知 依間醫院係我之後比較兩間醫院最平既一間醫院 實際既話 真係唔知邊間係貴D 因為可能有D媽媽有D唔同既服務 但我都係比較佢地既套餐服務收費 每間醫院都會為開刀同順產分開收費 開刀既費用一定係貴過順產 而且開刀住院既日數通常都會多過順產 所以開刀套餐既收費都會貴過順產 以下就係聖德肋撒醫院既收費套餐(有興趣可以睇下) http://www.sth.org.hk/download/zh/DeliveryPackage.pdf   2) 荃灣港安醫院 荃灣港安醫院都係我曾經心水醫院既一間 因為睇過好多其他媽媽BLOG話 荃灣港安醫院既產科係新既大樓 而且設備都好新 好乾淨 但價錢當然貴過上面果間醫院少少 當然除左小冊子裡面既收費 仲會有好多額外既收費啦(等遲D我再介紹下有D咩額外收費) 但點解我最後話係曾經心水既醫院 只因我第二次產檢既時候 係想係依間醫院生 但我同老公去完一個婦產科醫生既產檢後 一離開個房門後 對視左一眼 大家都知道 一係轉醫生 一係就轉間醫院 所以好多媽媽話 醫生真係人夾人 如果你覺得依個醫生唔夾你 就轉另一個啦 因為之後每幾星期都要產檢 如果你第一次就搵到一個同你夾既醫生 咁就好啦 我係轉左第3個醫生先搵到一個夾自已 點解我第一個話唔夾呢? 因為第一個幫我產檢醫生已經唔再做接生 佢都係轉介我去其他醫生到產檢 所以我先搵一個註院醫生 順便諗住係果個醫生入面生 最後 當我產檢完第二次 我再次做資料搜集啦 以下就係荃灣港安醫院既收費套餐(有興趣可以睇下) https://www.twah.org.hk/getimage/index/action/images/name/OB_Booklet.pdf   3) 仁安醫院 仁安醫院生仔其實好出名 有明星都係果到生過，謝安琪、徐子淇都係係仁安到生 當然佢地住既房應該我係住唔起ga啦  但都聽過好多朋友都極力推介係仁安生BB 仁安醫院都有分新翼同舊翼~ 但仁安醫院就岩岩係2019年8月頭已經加左價 所以價錢上其實同荃灣港安醫院差唔多 以下就係仁安醫院既收費套餐(有興趣可以睇下) http://www.unionwomancare.org/og_tc/price01.php 仁安醫院點解咁快就講完? 因為其實我依家心水醫院就係仁安到生 遲d我會再詳細講下我產檢同生仔既過程 如果有媽媽有興趣，可以繼續睇落去or PM我問我ga 希望大家鐘意睇我既分享，我係新手90後既媽媽。 本文章所分享既所有內容均屬個人意見及感受，並不代表該品牌/醫療機構之言論及立場。 如從而引起任何損失或法律糾紛，本人概不負責。 如有產品試用及工作坊邀請，歡迎聯絡我，Thank you! Email: angel05060825@hotmail.com