今次介紹一個地方比大家去，成個商場都好適合一家大細去。 呢到地方夠大，設計風格仲係以英國倫敦嘅BOXPARK Shoreditch及新西蘭嘅一個貨櫃屋建築而成嘅購物城為參考概念。所以，嚟到呢到我有種去咗外國Outlet嘅感覺，好舒服好自在。   我講梗嘅係，位於落馬洲嘅新田購物城 (The Boxes) 。   當日出發途中突然落大雨，又好彩去到新田購物城嘅時候就停雨，之後仲放晴。   今次係我哋第一次嚟，原來比想像中多嘢玩。當日有啲舖頭無開嘅，不過大人同小朋友玩樂嘅地方都有開，真係好好彩呀!!     首先，帶咗和牛B去放電嘅新田森林樂園Playhouse玩，呢到有個超大嘅波波池迷宮，場內仲有好多攤位遊戲、機動遊戲等。     仲有親子DIY班 ($50/次)，真係可以消磨好多時間。     場內嘅攤位遊戲，獎品仲好吸引，有Mickey Mouse公仔、Hello Kitty公仔、Minions公仔、Peppa Pig公仔等。     嚟到呢到，當然係要去波波池迷宮區玩啦~~ 入場馬上除鞋，消毒雙手，再同一堆森林好友影返張相先。     波波池迷宮區，再細分一個幼兒區。 此區唔算好大，但大部分都適合幼兒玩。     ^ 幼兒滑梯   ^ 小型波波池   參觀完幼兒區後，馬上進入令人瘋狂嘅波波池迷宮區了!!     呢到只係冰山一角     ^ 鞦韆   ^ 進入波波池，同周邊迷宮路線   ^ 繩網陣   ^ 七彩繽紛嘅波波池   ^ 水管滑梯   ^ 波波池海   ^ 仲有其他靜態玩意   ^ 入場嘅位置，鞋架及動物櫈仔   ^ 波波池亦設有閉路電視監察   場內其餘遊樂設施，夾公仔機。     ^ 兒童版機動遊戲     ^ 籃球機     ^ 超迫真3D牆   暑期優惠：- 由即日起至9月15日，波波池及攤位遊戲都有暑期優惠。 波波池: 星期一至星期五 (公眾假期除外): 12代幣一小時/ 18代幣全日任玩  星期六、日及公眾假期: 16代幣一小時 / 26代幣全日任玩    攤位遊戲: 星期一至星期五 (公眾假期除外): 玩一局送多一局 (只適用於遊戲卡）   如想做會員，入會係免費嘅，而首次開卡最低面額為$100 ($5一個代幣)。     會員優惠： $200/44代幣 $300/68代幣 $400/92代幣 $500/120代幣 $1000/260代幣   離開新田森林樂園之後，我哋去咗旁邊嘅電動車店，租返架車喺個場到四圍兜風。       價錢每次$50/15分鐘，唔算超平。但係可以於成個新田購物城到隨意駕駛電動車。 比起一般商場搞嘅電動車遊戲，更勝一籌。     四圍揸，呢到夠闊落，亦唔需要擔心駕駛技術差經常撞車。     揸完靚車，仲可以扮警察添呀。     小朋友放完電，係時候到大人啦~ VR ZONE，叫得VR ZONE入面梗係全部都係玩VR遊戲啦。     一入到店內，氣氛超好呀!!     呢到足足有成7000呎空間，真心超大!        想同朋友玩賽車鬥過又得，玩喪屍遊戲亦都有！     全部遊戲都適合鍾意刺激嘅你！     價錢：   新田購物城設施: 新田購物城同一般商場一樣，除咗有娛樂嘅商戶當然亦唔少得食店商戶啦。 店舖擺位安排亦非常方便訪客，將所有餐廳集中於一個區內。   不過，我當日去到就只有兩間餐廳有營業。     場內只有一個地方有公眾洗手間，就係位於停車場、食街方向。   仲有泊車優惠       前往方法：- 九龍新界巴士: B1 天水圍（天慈） ⇄ 落馬洲站  76K 上水（清河） ⇄ 元朗（朗屏邨）  276B 天水圍（天富） ⇄ 上水（彩園）  N73 沙田市中心 ⇄ 落馬洲   大嶼山或機場巴士: A43P 粉嶺（聯和墟）（經落馬洲） ⇄ 機場（地面運輸中心）   新界專線小巴: 44B 屯門站／屯門碼頭 ⇄ 落馬洲轉車站／落馬洲管制站  44B1 屯門碼頭 ⇄ 落馬洲轉車站  75 元朗（福康街） ⇄ 落馬洲站 77 天水圍市中心 ⇄ 落馬洲轉車站  78 大欖隧道轉車站 ⇄ 落馬洲轉車站  79S 天水圍市中心 ⇄ 落馬洲管制站     【新田購物城 (The Boxes) @落馬洲】   新田森林樂園 電話：2856 0988 地址：新田新田村路300號新田購物城B6-B12號舖 營業時間：11am. - 7pm. https://www.facebook.com/JungleLandHK/   VR ZONE 電話：2663 9538 地址：新田新田村路300號新田購物城B1-B5號舖 營業時間：10am. - 6pm. https://www.facebook.com/hkvrzone/ http://www.vrzone.hk   -------------------------------------------------- 歡迎聯絡我&和牛B: chungying56@hotmail.comFacebook專頁: 和牛B嘅成長專頁 Instagram: wagyubmami                --------------------------------------------------     姊妹合作**Precious M accessories** 利用剩餘、過期的母乳，自己動手做屬於自己的首飾，母乳媽媽給自己的小獎勵，做法簡單自己都做得到。