買好哂機票菠蘿包媽就開始做準備功夫！ 準備篇- 帶菠蘿包去旅行，我地都係選擇包車遊， 一來方便二來唔洗咁辛苦三來唔洗plan行程！ 我地實際包左二日車，來回機場。  包車司機facebook   台北既酒店都係選擇係西門町， 附近有醫院（如果有咩事都可以即刻行過去）， 好多餐廳同行下街。 最重要既酒店可以借蒸奶樽機，bb床，沖涼盤！ （訂房後email問酒店借）   菠蘿包媽係博客來到訂左好多書， 網上訂即食粥， 都係麻煩酒店幫我代收！    而菠蘿包媽最鐘意呢間酒店其中一個原因就係房間入邊， 浴室，廁所係分開， 洗手盆唔係廁所入邊，所以洗菠蘿包既餐具水樽都衛生得多。  我地去宜蘭住一晚先再番黎住，酒店可以幫我地保管一晚行李，咁我地就拎要用既野就出發去宜蘭！唔洗拎住二個喼四圍走！ 酒店facebook   宜蘭既民宿係包車司機介紹， 我要求房要有滑梯同浴缸， 結果去到緊係超級滿意！ 間房超級無敵大！ 等菠蘿包再大d再黎過玩，到時跑黎跑去實好開心！ 民宿facebook    以下呢樣要注意⚠️！ 如果想係香港帶即食粥既媽媽要留意下， 因為非洲豬瘟台灣入境檢查好嚴， 問番台灣朋友佢地話台灣一直都係唔比帶所有肉類（生熟都係）只係當時無非洲豬瘟所以海關唔會捉得咁緊！ 而菠蘿包媽都問左台灣觀光局到佢地既回覆都係一樣：   菠蘿包媽知有好多媽媽都係會係香港帶即食粥去， M⋯⋯咁多位媽媽如果堅持要帶即食粥去台灣既話就自行評估風險。 菠蘿包媽經台灣朋友介紹呢間即食粥， 仲可以送貨到酒店代收。 而且仲可以自行配搭主食同湯底， 因為佢係新鮮整無添加，所以需要放入雪櫃， 菠蘿包媽要帶個細冰袋仔去！      好方便，打開倒熱水落個袋到等一陣就食得！    原諒我無藝術天份放靚靚d粥⋯⋯   不過對於菠蘿包黎講呢個粥既份量實在唔飽肚，大食既寶寶可能要預多包。  即食粥網頁 歡迎合作～產品試用～～交流育兒心得️ Esdlife blog: http://wow.esdlife.com/space.php?uid=83855 Mamibuy blog: https://mamibuy.com.hk/home/12147/ Ig: http://instagram.com/hector.so.512 Facebook: http://www.facebook.com/HectorSo512 Email： kayyau@outlook.com