睇住BB健康成長，就係媽媽最大嘅幸福！ 眨下眼，Bat Bat就兩歲喇，回想懷孕嘅時候，我都好注重飲食，希望即將成為媽媽嘅我，可以盡力畀到BB最好嘅營養同體格。 唔少孕媽媽都有孕期飲食嘅迷思，到底懷孕有冇咩唔食得？又有冇咩要食呢？ 我自己就主張最重要係放鬆心情，唔使太緊張，只需記得我影片中講嘅呢3個重點就夠喇： 1. 切記唔好食生冷野，因為好易有孕期大敵李斯特菌，中咗後果可以好嚴重 2. 咖啡同茶可以飲，但要小心唔好攝取過量咖啡因 3. 盡量避免食深海魚，因為好大機會有重金屬污染 其他飲食嘅嘢，適時放寬吓啦！總之唔使搞到自己咩都唔食得咁慘，保持心情愉快對BB都有好處㗎。 當然營養補充都好重要，記得我第一次產檢嘅時候，我嘅婦產科醫生就同我講，最好每日食DHA補充品，因為要幫助BB腦部發育同視力發展，非常非常重要。我而家餵緊母乳，所以仲食緊佢㗎。   DHA點揀好？ 至於點揀DHA呢？我嘅小貼士係要細粒啲，否則會食到想嘔㗎！例如美贊臣Enfinitas 媽媽藻油DHA，佢係我見過最細粒嘅，仲有陣天然檸檬清香，唔會好似其他牌子咁有股腥味㖭！   因為DHA係腦部、視網膜同免疫細胞構成嘅重要成份，而且好多研究都證實BB可以通過懷孕中嘅母體，同埋母乳獲取DHA，所以除咗孕媽媽，準備懷孕嘅準媽媽同母乳媽媽都記得每日補充DHA。 因為我每日早上仲有餵緊人奶，所以到而家我仲每日食緊一粒美贊臣Enfinitas 藻油DHA㗎！除咗細粒易吞，味道又清新之外，價錢都好合理，有美國FDA安全認證，加上原產地係加拿大，美贊臣又係大牌子，食嘅時候放心好多，各位媽媽都要識揀呀！ Video裡面我仲介紹咗一款好啱孕媽媽嘅營養下午茶，有齊孕期三種重要營養素，好食又易整，快啲睇吓啦 。   ＝＝＝＝＝＝＝＝＝＝ 如果喜歡我的分享，記得讚好我的Facebook專頁「Mrs Co:Lam 凱林家生活」，更快知道更多更好的有趣資訊。   Mrs Co:Lam 凱林家生活 Facebook:www.facebook.com/mrscolam Instagram:www.instagram.com/mrscolam Email: hello@mrscolam.com Website:www.mrscolam.com