20190531     早餐 搭jr 鹿兒島本線去香椎站，再轉香椎線去 海之中道站。 今日唯一行程： 海之世界海之中道水族館 今日落雨，呢個行程係室內，所以都無有怕 而且都係一個好適合親子嘅景點，年紀小嘅可以俾佢地就咁睇下啲魚游黎游去， 年紀大嘅可以教導埋佢哋唔同魚嘅品種     入場費成人都要二千幾￥架， 如果唔想去水族館附近好似都有動物園     因為落雨氣溫都比較偏低， 所以一入到去我哋都食咗lunch先， 食lunch嗰度可以睇到海豚。 兒童餐     開始順住條路參觀，不過因為入面都黑，所以軒軒好多時都要抱住 黎到九州第六日，終於係呢度見到有部熱飲機，仲好多款添，買兩杯粟米湯歎下先     無記錯好似一點幾定兩點有場表演，坐前面頭四行係會濕身架，天氣涼又落雨我地就唔坐前面啦 睇完表演行埋紀念品店，我地都走啦，軒軒都要午睡一下嚕～     等車期間買支雪糕食下先     回程搭番一樣路線番博多 食個下午茶，食緊中途軒軒都訓醒可以一齊食。     又係一間好闊落嘅育嬰室 扮下鋼琴小王子，又幾認真喎   最後一晚打算去食鐵板燒，奈何晚餐價錢太貴，所以轉去食自己燒嘅普通燒肉，因為今餐都偏向重口味，所以都有過一過水先俾軒軒食，亦係第一次帶軒軒食燒肉，好在佢無搞搞震 泡菜 前菜 呢款肉一人一片，仲係由店員負責燒，入口係好快溶化嘅感覺 四式牛內臟，我無品嘗過，老公都係食左幾舊咋 冷嘅擔擔面 甜品：朱古力雪糕     食飽哂9點幾番去休息食宵夜執行李～     多謝老公送左個靚袋俾我                 產品試用/活動邀請/其他合作 歡迎聯絡：tanleesharon2004@yahoo.com.hk 謝謝 軒軒與小小b facebook page http://www.facebook.com/leessssfamil