隨住Bella日漸長大, 除左我地食麻辣咖喱之類會刻意煮比佢外, 一日三餐佢都已經可以跟我地大人食, 其實對我地黎講都係好事, 變相我地食嘅都會清淡有營啲, 今次我煮左個健康版福建炒飯, 全個飯嘅調味都只係落鹽, 整個飯味嘅靈魂就是靠“香菇”了! 唔知大家仲記唔記得我上次去九州, 就買了好多椎茸返黎, 呢隻菇真係好香,浸菇嘅水最適合用來打獻, 你地亦都可以用花菇或者香冬菇來做。 《親子共食:足料褔建炒飯》 材料(一大一小份量): 蛋一隻 椎茸兩大隻(或用冬菇) 紅蘿蔔一小片 芥蘭菜頭三支(怕苦也可用菜芯頭) 雞柳兩條 蝦仁六至七隻 小帶子八粒 白飯一碗 生粉一湯匙 水 預備: 1. 洗淨椎茸,用熱水浸軟,切絲(或粒)備用。 2. 洗淨雞柳、帶子與蝦仁,雞柳切粒, 全部材料澀乾水後,放半茶匙鹽醃半小時,備用。 3. 把蘿蔔及菜頭切粒,放進水中煮5分鐘,瀝乾水備用。 4. 蛋打勻備用。 做法: 1. 鑊中放少許油加熱,確定滾熱後, 大火放入白飯,分散壓碎炒鬆 。 2. 盡量把白飯平舖,大火加入蛋液。 3. 蛋液滲入白飯後,快手炒均勻,並炒至乾身,盛起備用。 4. 鑊中加少許油,大火放入雞粒炒至五成熟, 再放入蝦仁及帶子粒。 5. 炒至八成熟後,加入蘿蔔粒及菜頭粒炒勻。 6. 把約120ml的浸冬菇水,加入生粉中拌勻。 7. 把生粉水加入材料中炒勻,至收為獻汁,加鹽試味後。 8. 把餸料淋上蛋炒飯上即成。 ************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss