黎到30w. 真係有少少激動.  3字頭噃!! 真係果下都幾感動. 因為好似岩岩先驗到有.  之後又反胃, 又病左, 又nifty , 又照結構... 好似好多野, 好耐. 但又好似好近..唔似已經過左7個幾月. 仲有2個多月, 7個星期左右. 就會隨時見到BB喇~ 真係好期待. 同一時間, 亦好中意宜家同佢"共同進退"既時光~!   講返 30w 果日. 我用左半日 CL去產檢.係呀..真係蝕架. 真係好似賣左身俾公司. 明明有Sick leave都唔用......唉...令我唔想請太多假既原因-- 同事EL 都有左... 佢就比我辛苦得多.. 一直嘔, 一直咳.. 今個星期直頭無返過工... 唉.............我知我唔可以怪佢. 因為我只係比佢幸運而已... 而成 team 唔可以一齊無左我地2個...所以我唯有蝕D, 請少D假...返去頂住個雞頭啦 但同一時間我自己又要清假. 因為公司既不平等條約.一個月只可以請2日AL.  而之前暗示過老細睇下俾唔俾我宜家唔清, 生完清.或者 extend 我去出年都好丫........ 佢似乎唔多想......所以我又要為自己著想. 點都要放下AL.... 總之就....煩!!!!   好! 又離曬題.... 30w 果日我邀請左媽媽一齊去產檢睇BB. 對上一次一齊去睇BB已經係12w 做nifty pro 果時lu. 所以佢十分開心+樂意同我一齊去. 去到診所, 等左1個鐘先入去見方醫生. 佢話BB個頭仔已經向左下喇. 同埋咁岩佢扒左係度. 所以睇唔到樣.  蝦! 你隻臭B! 做咩懶神秘? 我朝早同左你講話婆婆一齊同你見面.  你要乖乖俾我地睇下樣. 你仲撐左一腳話好架 但都好俾面郁下手仔 say hi既～ 隻手掌仔好得意~~   之後醫生話BB個全身都好中碼, 所有野都控制得好好, 岩岩30w. 但係呢.....個頭仔就偏大喇. 有31w6d!!! 醫生話呢個階段唔使擔心既. 個頭骨因為比較圓, 最闊果個位度出黎係大左.. 再過多幾星期 keep住睇就得.. 好明顯, 佢有遺傳到佢媽媽 (我) 同佢舅父仔 (我細佬)既 gens...都係大頭B... 我立即有D怯....生果時咪好難生 不過唔係身體有事就咩都得!!!