回想起當時，結完婚後，我一直都好想有BB，只可惜工作關係，要不停飛黎飛去，其實對於有bb係有難度，因為好多時排卵期，我都會唔係香港 期間睇中醫調理身體，食健康食品去強壯自己，用盡坊間嘅方法都係失敗，而且仲成日上網睇懷孕徵兆，成日覺得自己有左（而家諗番都覺得當時自己好顛） 我好記得因爲要考升職試，我果幾個月勁大壓力，月經週期不穩定。之後我仲感冒左半個月，食極藥都無好番，一向我對於食藥都會好小心，因為我擔心唔知自己有左bb,而食左d藥影響左佢，但人在三藩市病咗真係好辛苦，唯有去藥房自己買藥食。 最後番到香港係我最心灰意冷嘅時候，我媽咪叫我驗下孕（因為又遲左10日未有月經）驗完見到熟悉的一條線，即係放低支捧係枱面，衝左番房訓。訓醒後，媽咪問我支棒係咪唔要叫我掉左佢啦，我行去望多眼嘅時候，竟然多左條線！我個心即刻卜卜跳，帶埋媽咪一齊落街買多支電子驗孕棒，佢display “pregnancy 2-3 weeks”! 呀媽！老公！我得左啦！我有左蚊蚊啦！原來我食極藥感冒都唔好番同埋我好攰，呢d就係懷孕徵兆啦 Facebook Page: https://www.facebook.com/winstonandmami/