#圖文不乎???? 掛住大阪既櫻花景啊   話說，魚毛媽係懷孕前參加左大半年跑步班。 1/點解要參加跑步班呢？ 魚毛媽：因為魚毛媽經常做運動都好易扭親。 2/未參加跑步班時有沒有跑步習慣？ 魚毛媽：有，但跑一陣好快就肌肉酸痛同埋肚痛（當時並不知道是橫隔膜要適應的原理） 3/參加跑步班辛不辛苦？ 魚毛媽：初頭無絕對、超級辛苦，特別係對住番文職少運動量既魚毛媽黎講，頭三個月每次上堂前都好掙扎，但上堂後出一身汗又好滿足。（嘻嘻????有點自殘的感覺） 4/上跑步班的得益？ 魚毛媽：鼻敏感改善，睡眠、胃口都有改善！什至乎舊年整個流感高峰期既冬季都沒有病過。   但係。。。。。自從得知BINGO之後，魚毛媽真係唔敢郁唔敢跑。 因為未得知BINGO前真係成日都頭暈身慶唔吹得，跑兩跑又出番D無氣無力既舊症狀，開頭真係好氣餒（唉），以為跑左咁耐都係快唔到，到得知BINGO後回想番先明白係咩一回事。。。。。。 腳痕痕，但又不得不停跑，停跑後至到現在小魚毛去到第八週，呢兩日竟然鼻敏感發作得超！厲！害！ 又剛巧呢兩日氣溫回升去30度，差D就熱死魚毛爸因為魚毛媽一吹風扇一開冷氣鼻水就BA BA聲呻不停。 搞到魚毛爸同我要分房訓而魚毛媽都因為睡眠質量嚴重下降，今日停工一天，去左睇西醫，當然乜野藥都得不到啦，只有滴鼻鹽水兩細支   所以今日即時將全屋病積塵既地旁清理好、收起曬放係房間既奸夫（係，魚毛媽真係好鐘意奸夫，不過都要暫別喇！）、再將已經好耐都無用過既空氣清新機（PANASONIC F-P04DXZ）拎番出黎用，好彩個防塵網仲未過兩年，加上魚爸左掃右掃，吸來吸去。 果然，全晚都訓得好舒服????暫時解決左個難題。