今次我哋嚟台灣,去咗《犀利人妻》隋棠都去過嘅好玩親子餐廳「樂福銀河鐵道餐廳」。 餐廳位於大直ATT Recharge商場入面,商場除咗有親子餐廳,仲有好多大品牌店舖,亦有兩層好適合親子遊玩,閒逛消磨時間嘅熱點!我哋當日係平日到訪,預先從網上訂枱,人流不算多。 餐廳以銀河鐵道做主題,仲有小火車可讓客人乘搭。小火車會圍繞餐廳行一圈,每節大概2分半鐘。 如果餐廳人流唔算多,可以無限次坐! 餐廳用餐時間為90分鐘,所以餐廳都建議先點餐,再排隊玩小火車。因為食物都係即叫即煮,上菜唔快。 而餐廳嘅每人最低消費為NT250,至於2-10歲嘅兒童最低消費為一份餐點或飲品,並不設金額限制。(另加10%服務費) 我哋一行四大兩小一BB,就點咗兩份兒童餐、兩個意粉、一個焗飯及一個小食,而其中兩份主食加NT180升級做套餐,有餐湯、沙律、飲品及甜品。 ^ 小火車兒童餐 NT350 ^ 蕃茄蛤蜊義大利麵 NT310 ^ 鮮蔬奶油燻鮭魚寬扁麵 NT290 ^ 蔬菜南瓜雞肉焗烤飯 NT400 ^ 炙燒香蒜骰子雪花牛 NT280餐廳免費坐小火車,和牛b同朋友坐咗好多次,真係超開心呢! 大直ATT內仲有其他適合小朋友嘅玩樂點,而大直ATT旁仲有其他商場,喺呢個站足足夠玩夠行夠買足一日! 【樂福銀河鐵道餐廳@台北】 地址:台北市中山區敬業三路123號5樓(ATT 4 Recharge5樓)(劍南路站)電話:02-7706-0800時間:11am. - 10:00pm. https://www.facebook.com/樂福銀河鐵道餐廳-283542949002454/--------------------------------------------------歡迎聯絡我&和牛B: chungying56@hotmail.comFacebook專頁: 和牛B嘅成長專頁Instagram: wagyubmami