一直以我都好怕食麥皮, 唔知係咪細個時屋企人就咁用滾水煮比我食, 奶又唔落,每次食親都淡而無味, 寡到只能話佢係用來裹腹,極之難食。 最近Bella爸叫我同Bella食多D麥皮, 仲買左一大罐返黎, 鼓勵我地唔好餐餐都大魚大肉咁話, 不過甜麥皮我自己就麻麻地, 所以又驅使我發揮創意小宇宙, 將佢轉化做一道香濃鮮魚麥皮蘑菇湯, 如果你鍾意食麥皮就要試下整呢個新嘗試, 如果好似我咁抗拒麥皮嘅, 呢個配搭煥然一新, 口感似飲蘑菇濃湯,一碗已飽肚, 唔想食粥粉麵飯,就試下煮佢啦, 仲食埋新鮮鱸魚肉同蔬菜,有營有味! 《大人細佬都啱食:鮮魚麥皮蘑菇濃湯》 材料(二人份量): 原粒麥片三湯匙(牌子隨自己喜好) 新鮮鱸魚柳約200克 啡蘑菇三粒 洋蔥1/8隻 西蘭花一小朵 牛奶200ml 水100ml 做法: 1. 先洗淨爐魚,與薑片一同隔水蒸8-10分鐘。 蒸熟後起肉,小心挑走魚骨, 建議用手會更能觸摸到魚骨存在,拆肉後盛起備用。 2. 把洋蔥,蘑菇及西蘭花切碎, 可飲我一樣留一些蘑菇切片及一小朵西蘭花做裝飾。 3. 準備一隻鑊,或如像我一樣有個能爆炒的細煲仔更佳。 在鍋中加入少許油,油滾後倒入所有洋蔥, 蘑菇及西蘭花炒香。 *如果不想炒可直接去STEP 5,但略炒會令湯頭更香甜。 4. 再加入魚肉略炒。 5. 加入100ml水,或剛蓋過食材便可,無需多。 6. 滾起後加入麥皮攪拌略煮。 7. 再加入牛奶煮至滾起即可, 然後按個人需要需要可加入少許鹽即成。 鮮魚麥皮蘑菇濃湯 ~ 啖啖魚肉,飲蘑菇湯同時食埋麥皮, 大人細佬都啱食 ~ 下次Bella媽做一款有芝麻嘅幼兒小食, 有興趣記得留意我地Facebook更新。 *************************************** ~ 許許與小BELLA ~ 隨性的玩樂型媽媽~ 喜歡做BB特色料理~ 愛分享BB好物情報~ 記得留意我地FACEBOOK瀏覽更多玩樂情報及BB食譜啦~ FB專頁: www.facebook.com/huihuiplayground 聯絡我們: jassmine_tea@yahoo.com.hk IG: https://www.instagram.com/huihui_bella/ ~ BLOG足跡 (BEAUTY, LIFESTYLE, MOM & BABY) ~ BlogSpot PINEXT OpenRice ESD LIFE TheZtyle She.Com BeautyExchange OH!爸媽! MyBB.Com 香港媽咪幫 UBABY 親子日常 EASY PAMA Parent's Daily 媽媽經 Sunday Kiss