上篇文章分享過孕早期既驚險, 辛苦時刻... 其實到左孕中期S媽媽確實舒服左好多!!!!! 到孕中期，已經再無嘔吐啦!! 仲開始感受到胎!!!動!!!! 嘩!!! 果種感覺真係好奇妙！S媽媽好鍾意同小豆釘講野, 咩都講!! 依個baby亦非常活躍!! 成日踢到S媽媽個肚變晒形!! 起晒角!! 媽媽仲發現當聽音樂時, 豆釘豬就會變得特別活躍!! 有時同佢講野, 或者輕輕拍下肚仔, 佢又會郁下... 有時S媽媽拍左邊, 小 豆釘又喺左邊踢你!! 拍右邊, 又會喺右邊踢你!! 好似識比反應你咁！真係得意呀!! 依種24小時,身心合一既感覺係S媽媽最最最唔捨得既!!  不過小豆釘都要搗蛋一下，25週時, 個肚仔隱隱作痛左兩日, 第二晚凌晨忍唔住叫S爸爸送入院... 醫生仲話會生得，嚇到我死當時心諗: 25週喳,咁早出黎做咩呀？唔好咁百厭啦! 產房裡面無得開電話，又無人陪, 醫生姑娘出出入入，又要簽晒紙咁... 好彩最後又係虛驚一場 (呼~) 至於孕尾期，每一日既我都好攰... 個肚好大好大, 到最後38週時係44吋呢!! S媽媽仲肥左65磅.... (係呀! 我無打錯呀!!) 由於個肚實在太重, 訓覺都訓得唔好... 雙手長期痺疼冇力... 雙腳水腫到變左象腿... 恥骨痛到訓唔到... 小豆釘胎動又好似打架咁，坐隔離果個都唔駛摸個肚都可以睇到佢郁!! 超級誇張的!!  到最後階段, S媽媽實在太唔捨得你要出世啦!! 好想你繼續留喺媽媽肚裡, 二合為一仲有...你出世後再無老公幫媽媽剪腳甲，晚晚洗腳，按摩，做坦妃啦... 你出世後，媽媽無得做女皇，返工放工有姐夫老公車... 仲有家人既悉心照顧呢！種種貴妃式待遇就要同我say goodbye 啦    無呃大家嫁, 當時S媽媽的豬腿!!