我相信每位準備懷孕既媽媽都會好想知道孕初期究竟有咩懷孕特徵呢???? 就等我同大家分享下我既懷孕初期特徵啦~ 1)身體發熱 依個係我老公先發現，因為我本身係好怕凍，成日個身都係涼涼的。但老公係一個星期每晚攬住我訓時都話：bb 你咁熱既，滾嫁你個身！ 仲有，我係天氣熱到死都可以唔開冷氣既寒底人，依個星期我真係個身好熱，晚晚都主動開冷氣!! 當時我地都係冇為意，原來依個就係我懷孕第一個先兆呢   2) 半夜vee vee 多左 我本身係唔會去夜vee 既人黎嫁！但就係唔知幾時開始，我半夜又去，臨天光又去! 感覺就係同平時唔一樣啦!!   3)作嘔，胃氣脹 個肚開始脹，好似谷M 咁！所以初時都冇理，就係驗孕前一晚，我突然，真係突然作嘔！ 仲真係嘔左一啖出來！果晚訓覺，老公豬就已經問我係咪有左啦???? 之後果幾日，日日都作嘔啦... 個肚仲要好似谷來M 咁, 下腹有D 隱隱作痛咁!!!   4) 個人好攰 個人好攰好攰，成日訓，訓極都唔夠訓，幾早訓都唔夠訓，總之就係好眼訓!!!   5) 乳房開始腫脹 唔知係咪因為體內激素閞始產生變化, 乳房總係脹脹的, 唔自然既感覺!   以上大慨就係我既孕初期症狀, 其實同感冒, 生理期前都好似呀!!