踏入四月, 又係另一個長假期既來臨, QB今年復活節仲連放成12日假, 真係要好好計劃下帶佢去邊度玩先得. 身邊既媽媽朋友已經密鑼緊鼓咁計劃緊節目, 因為假期長, 我就希望QB動態同靜態既活動都有, 咁先夠多元化嘛!  ​ 熱愛運動既小朋友, 真係要去SUPERPARK體驗下, 其實佢開幕時我已經留意, 不過當時QB仲比較細, 運動細胞又比較弱, 所以一直等到三歲幾先帶佢黎. 而今次我地更加體驗左復活節特備活動 SUPER EASTER RACE.    SUPER EASTER RACE既玩法好簡單:  - 2-4人可成團 (更多人當然都可以) - 分別完成6項指定遊戲 (次序可隨意調動)  - 於遊戲後拍下顯示隊員及分數的照片 (共6張)  - 向工作人員出示分數, 會計算賽果, 並可獲贈奬品.    約埋幾個朋友仔一齊黎比賽, 氣氛好熱烈, 仲好刺激添! ​​ 遊戲一 : 投藍挑戰站 (SUPERHOOP) 玩法: 於1分鐘內投藍取得最高分數 (最多4人)  =================================== 分別有100, 200, 300 和 500分藍板. 以QB的高度, 只夠投100分, 但唔緊要, 密食當三番, 一樣有分數.  ​ 一分鐘好快過去, 難以置信地竟然有3900高分!!! 當然唔係QB一人既功勞XDD. 記住一定要同計分牌合照架, 未影到相前唔好按制開始新一局, 如果唔係分數就會變左零架啦!  ​ 遊戲二 : 彈珠足球場 (SUPERPINBALL)  玩法: 用足球的彈珠機, 一分鐘內把足球踢到不同分數的按鈕上, 可最多同時三人一齊玩.  ​ 每個按鈕有唔同分數. 至於QB都係至在參與啦, 唔好以為好容易, 一分鐘來來回回踢都幾考小朋友體力架. 同埋唔可以超越白界, 否則就會暫停.  ​ 最後拎到1300分, 都算唔錯啦XDD ​ 遊戲三: 瘋狂勁舞台 (HOT STEPPER) 玩法: 跟着指示燈順序踏中正確的踏板, 顯示屏會展出腳踏的位置和分數.  ​ 以為跳舞機好易玩? 原來都好需要眼明"腳"快架, QB繼續展示佢慢半拍既功夫XDD ​ 玩樂不是求分數, 哈哈, 在完全沒有助力的情況下, 有分數已經好滿意了.  ​ 遊戲四: 數碼攀石牆 (AUGMENTED CLIMBING WALL) 玩法: 於指定時間內拍打電子投影蝙蝠, 最多同時三人一齊玩 ​ 結合數碼元素, 令攀石運動增添趣味性. 遊戲有不同難度可選, 拍蝙蝠適合幼兒玩, QB看到蝙蝠都追着要拍, 玩到好投入.  記得不能離開攀石牆, 否則就會Game Over, 又要重新玩過架啦.  ​ 咁多遊戲中, QB最鐘意依個, 之後仲重覆玩左幾次. 我都有一齊玩, 發覺玩完真係幾攰, 又要爬高爬低, 真係幾需要體力架.  ​ 遊戲五: 街頭藍頭場 (STREET BASKETBALL) 玩法: 一分鐘內鬥多入球, 可多人一齊參與或比賽.  ​ 藍球都是男士專利, QB爸射藍射得好投入.  兩位小妹妹雖然唔夠高入藍, 但不忘參與, 搶下波一樣玩得開心.  ​ 一向唔太熱愛運動既QB, 都積極參與, 並表示好好玩.  ​ 遊戲六: 超級保齡球 (SUPERBOWLING) 玩法: 於一分鐘內把保齡球投入不同分鐘的洞裡取分.  ​ 雖然個保齡球有D重, 但QB自己都Handle到, 誤打誤撞都入左幾個, 叻女.  ​ 依個分數絕對係唔錯架, 佢自己都好滿意.  ​ 終於完成左六大挑戰, 好攰但好好玩呀! 記得Keep住積分咭, 於12:30pm/ 5pm/ 8:30pm 去到登記處, 職員會幫手計同公佈賽果及派發奬品架.  ​ 比個小貼士大家, 活動期間如果見到依隻Super Easter Bunny, 一定要捉實佢合照,  之後上載到個人 Instagram 並 hastag #Superparkhk 即可獲得額外5000分架!  遊戲禮品豐富:  所有完成賽事的團隊均可獲得After6門票乙張（每2人可獲1張） 當日每個時段的最高得分者，可獲SuperPark 藍球或SuperPark足球乙個 全場總冠軍（比賽活動期間的最高得分者），將可贏取終極大獎﹕SuperPark滑板車乙架（價值港幣$1,000）及SuperParkHong Kong全年門票（售價待定）  ​ 玩完SUPER EASTER RACE既遊戲, QB已經不停話依度好好玩. 其實場內仲有唔少岩小朋友玩既設施架. 依個小斜波同滑梯QB好喜歡, 玩左好多次.  ​ 仲有彈床區, 每次限一個人跳, 一向最鐘意玩彈床既QB都要落場彈返夠本.  ​ 玩左成個鐘, 喚醒左QB既運動神經, 射波都變左興趣! 依個電子龍門反應好快, 要入波一D都唔易, 但QB可以中龍已經好叻架啦.  ​ 塲內有一個幼兒玩樂區, 有鞦韆, 波波池, 繩網, 積木等, 好岩年紀較細既小朋友玩架.  ​ ​ ​ ​ ​ 復活節係小朋友既長假期, 黎SUPERPARK感受下芬蘭式玩樂體驗, 唔止小朋友有得玩, 大人一樣玩得投入同刺激, 寓運動於玩樂, 對身心發展健康!  SUPER EASTER RACE分三個時段:  9 AM - 12: 30 PM 1: 30 PM - 5 PM  6 PM - 8:30PM  詳情可參閱: http://bit.ly/2CP9PuY ​ 外表斯斯文文既QB, 其實都有活躍一面, 佢話SUPERPARK好好玩, 應該係因為爸爸媽媽唔係睇住佢玩, 係可以落場一齊玩, 而且玩樂設施亦有別過往常去的Playhouse, 對佢係一個嶄新體驗. 有機會一定會再黎!  ​ SuperPark Hong Kong 芬蘭一站式室內活動樂園 地址: 香港九龍海輝道18號 一號銀海地下 (鄰近奧海城) Website: https://superpark.com.hk/   合作邀稿, 文章內容全屬真實分享及個人意見, 只供參考之用~ 聯絡合作和活動: email: sherice_hy@yahoo.com.hk Facebook: Mini Bubble Corner ❤Blogspot❤ ❤The Ztyle❤ ❤She.com❤ ❤wordpress❤ ❤weshare❤ ❤博勢力❤ ❤Pixnet❤ ❤Beauty Exchange❤ ❤mamibuy❤ ❤Oh!爸媽❤ ❤ 親子日常❤ ❤sundaykiss❤ ❤esdlife❤ ❤chef-diary❤ ❤OpenRice❤