走佬袋可以話係一媽入院前最唔知點準備嘅一個item 係一媽去到懷孕中期~就去左百貨公司買嗰啲走佬袋package 不過入完院之後發現呢個package都唔係樣樣嘢入到院都有用~ 咁到底一個走佬袋入面要有啲咩先合適呢? 以下就係一媽實戰後嘅結果~~ 1 入院文件：    - 產婦記錄卡    - 入院紙(如有)    - 身份證 2 黏貼式孕婦M巾(10片裝)x2 (個人覺得比吊式孕婦M巾好用同舒服) 3 下陰沖洗瓶 4 即棄式網底褲(5件裝)x1 5 個人清潔用品(一媽住院期間只係用左毛巾、牙膏同牙刷) 6 暖水壼 7 炒米茶包(可以係網上訂網或者自己整~一媽就係自備南棗陳皮炒米茶包) 心8 廚房紙(比廁紙好用~吸水力強~而且唔會甩毛粒~有效預防傷口發炎) 9 個人及BB出院衣物(係出院嗰時叫屋企人帶俾去醫院都可以, 記得幫BB攞手套同襪~如果去公立生嘅佢地會有帽仔送) 10 哺乳胸圍3至4個(因應個人需要~唔帶或帶普通胸圍都可以~不過用普通胸圍會建議用無鋼圈嘅) 11 嬰兒用純水濕紙巾 12 初生嬰兒紙尿片(細包裝就可以~一般嚟講BB出世後無咩問題都係留院2到3日就可以出院~唔夠可以叫家人攞去醫院) 13 你食開嘅孕婦營養補充劑(孕婦綜合維他命建議食到產後3個月~DHA可以食到BB斷母乳) 14 電話及差電器(因應個人需要準備) 咁其實有以上物品~媽媽產後就可以係醫院安心休養~咁M巾同網褲就好視乎孕媽嘅惡露多唔多~ 一媽係順產嘅~惡露唔算多~所以上面嘅數量就己經好夠 另外孕媽可以準備定以下用品係屋企stand by 1 41"特長夜用M巾/女性防尿滲褲 (穿水後可以用~) 2 即棄防水尿墊 (產後用~放係床上面防止惡露整污糟張床~如果你有樣狗狗嘅話用佢地嘅尿墊都可以) 3 乳墊 (母乳媽媽就要準備) 準備好走佬袋就可以安心等BB出世啦~~~