由於第一胎37周就生，我以為第二胎會差不多甚至更早，愈近預產期就愈心急，怕細佬太大隻會唔夠力生，怕開刀，怕食全餐⋯⋯  #大肚婆係好多擔心既   40周3，聖誕節零晨4:15，瞓瞓下痛醒，約10分鐘痛一痛⋯但由於早幾晚都有類似感覺，但痛完一個鐘又回復正常，所以，我都係瞓喺床睇定d先⋯ 但個腦諗緊要唔要洗頭/要唔要食野/要唔要話俾爸爸知⋯⋯ #雖然腦中演習過十次_但真係好緊張   4:45，已經5分鐘痛一痛，連後腰都痛啦！我知李湜準備好啦！叫醒爸爸出門⋯真係痛到行每步都痛！  #唔該的士要停正屋企樓下   5:15 到威院7樓，原來已經 4 度！一輪檢查後，就直接推我去待產房。今胎爸爸終於可以陪我，幫我按摩條腰同肩膀，等我冇咁痛⋯ 但陣痛一黎，真係好__痛‼ 唔想咬爸爸，唯有大大力捉實床欄⋯陪咗唔夠5分鐘，我就覺得有便意，大嗌「好痛呀！唔得啦！」點知仲係4度，俾護士建議真係忍唔住先好嗌 過多一陣，又想便便，唔覺意用咗少少力⋯卜 一聲之後感覺到一大攤暖水爆出黎  yeah ! 穿水啦 ! 6度啦    6:10 推我落去產房手術室，由7樓落5樓，護士途中不停叫我「夾實對腳，呼氣呼氣，唔好生住」但其實，一痛真係好難控制囉 。 入到手術室，有幾次都覺得細佬想衝出黎，但又未俾我用力，唔小心就拿實個肚，搞到bb心跳低咗，所以唔俾爸爸入黎陪產⋯⋯助產士話我太夠力，今胎需要喺唔痛既時候，用力 push 10 秒，又唔洗剪⋯ 好似 push 咗4-5 次   6:23 李湜就出黎啦！鬆曬 ~~  #今次個產前瑜珈老師教識我用力    #由胃下面將力慢慢向出口推    #仲要配合呼吸方法   聽到李湜第一吓喊聲，好感動～ 第一次同佢 skin to skin 埋身，好神奇 #第二次經歷都係覺得不可思議   以為完結 ? 仲有胎盤未搞掂，我 push 咗出黎，但助產士話仲有少少痴得好實，佢不停幫我按摩同推，半個鐘都未得，佢就叫醫生黎，醫生兩三下就攞咗出黎，不過，超！級！痛！兼爆咗出口⋯ 之後聯咗兩個蝴蝶結...   然後，# 餵奶換片食飯瞓覺 既循環就開始了 ╮(╯_╰)╭  - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - - -  #收爐了    #襯記得要好好寫低 #其實諗起都痛    #兩次都冇得聞笑氣_想試下hihi  #住耐d好似真係易湊d    #一開始就好啜力    #但都係唔知點解勁喊 #明明食飽咗換咗片仲抱住咗    #有時都想塞返佢入肚   = = = = = = = = = = = = = = = = = = = = = = = = = = = = = = = =  ✽ 歡迎追蹤我更多育兒生活分享  - 澄兄湜弟 Facebook專頁:  澄兄湜弟 Instagram: @desiree_dumbo   歡迎聯絡我地 / 合作邀稿: desireeyi@gmail.com