以前去露營，事前準備多多，好似帳篷、地蓆、cook set、睡袋等濕升野，未出發都已經累得很，而家?兩手fing fing就可以去個Glamping!! 係6月，我就做左資料搜集，睇下邊到露營方便，最後就Book左聖誕節去香港青年旅舍協會 係西貢赤徑既營地，仲揀左Bell Tent嚟住，即係而家好興嘅圓型大帳篷，同鯨魚蝦子齊齊來個豪華露營團! 我地準備好食物後就出發去營地，呢個圓型大帳篷空間都夠大，即使放左兩張雙人床墊及茶几，小朋友們仲玩到捉耳恩，自己再加D裝飾燈可以整到個帳篷靚一靚! 影相呃Like一流!! settle down後，走去沖個熱水涼 (浴室有電子熱水爐架)，跟手就開始火鍋晚餐喇，可惜是夜密雲冇星星，只好去探險，玩左陣我地都走去訓了。第二朝好天色☀，就睇到附近優美景色，食埋早餐就坐船走了! 就係咁，我地過了一個美好嘅聖誕節~~ 注意事項: 1. 租用香港青年旅舍協會營地設施要係會員先得，可以入營當日先登記都得，除左露營，都可以選擇宿營 2. 床單枕頭套同被袋都係自助既，唔夠又可以借用 3. Bell Tent Booking好full，熱門日子 / 週末要提早數個月前Book 4. 記得準備蚊香等防蚊措施 (我地玩左兩日一夜都冇蚊咬) 營地資料參考: https://www.yha.org.hk/zh/hostel/bradbury-hall/ 入營: 4pm後 出營: 11am前(非假期); 1pm前(假期) 租Bell Tent費用: 根據入住人數及假期 (我地一家四口就盛惠$760)  交通: 巴士94/96R係北潭凹下車，步行一小時 / 於黃石碼頭坐街渡 ($14/人)