嚟到第3日喇~~ 我地已經荒廢咗張悠遊咭, 全程投入uber世界 XDD 冇計啦, 搭uber同搭捷運都係爭廿幾30台幣, 我地仲要唔近捷運站, 仲要帶著隻米豬一齊, uber著實係首選~~ (唔係唔想搭的士, 係我地住0個度連的士都唔見一架呀XDD call uber又實在太方便~) 今日我地去咗壽山動物園呀~~ 响半山ga~~ 未落車時司機提我地, 如果有食物, 記得用膠袋入住, 因為山上面有好多野猴出沒, 會搶野ga~! 我地2個即刻 /*0*\唔係呀ma....... 咁... 由落車到公園入閘, 都要行幾分鐘ga, 沿途仲好多牌叫你小心野猴出沒, 又叫你唔好餵佢咁, 嚇到我地推住米豬拿拿臨走人, 相都唔敢影 入場費極平, 冇記錯ge話成人只係40定50台幣, 米豬唔駛錢, 有導覽圖~~ 比大家參考吓~~ 我地入到嚟已經11點幾, 就去食咗野先 (食物同餐廳服務質素係有5個kai ge, 我介紹都廢事, 你地記得食飽飽先好入去呀) 食完個快飯我地就坐小火車遊吓成個動物園~~ 有車車坐米豬又好興奮喇~~~ 嬰兒推車請放月台~ 而月台係唔駛憑票進入, 係係人都入得, 所以貴重物品記得跟身啊~~ 遊一圈大約15分鐘~~ 遊完我地就開始自己行喇~~~ 有d園區係開放比遊客入去, d動物會自己响入面周圍走, 但遊客只可以行指定步道, 呢個幾好啊~~ 我地先行咗雀鳥園, 有對黑天鵝, 有好多鴨鴨, 仲有好多孔雀自由行 平時咩都驚驚ge米豬, 竟然一D都唔驚~! 仲係咁放輕腳步行近孔雀, 想摸摸~!! 之後去到鹿園又係咁, 仲指住D小鹿係咁叫鹿鹿~!! (非常非常晒~!!! 壞媽媽只想快d快d出返去有遮陰地方所以又冇影相) 跟住去睇吓獅子~~ 米豬見到大貓好開心, 指住佢地 獅子 咗好耐 當然唔小得佢最愛ge芬焚~ elephant~~ 坐响車睇唔夠皮, 要爸爸抱抱睇~~~ 指住响度不停同芬焚揮手~~ 睇見米豬咁開心同興奮, 又真係熱d都抵ge~~ 其實沿途都係上斜落斜, 推住車車ge我地表示很爽皮~~ 米豬就見到邊隻動物鐘意就指住佢大叫~~ 行行吓就去咗睇靈長類動物, 有猩猩同埋馬騮, 呢隻猿猴好搞笑, 我地抱米豬行埋去, 佢本身坐到老練貢遠, 見我地行近佢又行過嚟 仲攞晒甫士~ 然後我家那隻馬騮米都一齊攞甫士XDD 笑到我同爸爸死死吓~!! 最後探埋侏儒河馬就call車沖奶走人喇~ 因為米豬夠鐘訓晏覺囉~ 如果你地冇帶車車都唔駛怕啊~ 因為入園0個邊會有個客戶服務中心, 有得借BB車, 輪椅同埋有熱水提供ga~ 我地臨走都去沖返枝奶先~~ 今次去動物園, 我同爸爸都比米豬surprise咗好多野, 佢係完全唔驚所有動物~!! 無論大小, 樣貌, 每次見到佢只想我地快D同佢去睇, 最好有得摸摸~!! 連媽媽最驚ge爬蟲類佢都睇到唔肯走, 睇爬蟲類時壞媽媽我對咗米豬比爸爸, 自己走咗去買珠珠茶茶XD 2點半上咗uber一陣米豬就飲晒枝奶奶, 一路訓.............. 訓到6點9!!!!!!!!!!!!!!! 應該又開心又攰喇~~~ 爸爸媽媽又一齊大覺訓~~ 好爽~~~ 爸爸都話去咁多次旅行都未試過留响間房咁耐, 永遠都係一早出咗去到夜晚11-12點先返去ga ma~~ 由於媽媽決定今晚要响夜市掃街吃到飽, 所以就用炆燒杯整咗ABC粉比米豬食喇~~ 7點半食飽飽, 我地就向住瑞豐夜市進攻~!! gogogogogo~!! 由於要掃街同埋人多擠迫ge關係, 我係選擇咗同米豬合體出擊~! 第一站先飲返杯靚靚珠珠茶茶先~~ 香港都有ga~ 鹿角巷呀~ 米豬以為自己有份呀~~ 搶我個杯呀~ 入到去實在太人多擠迫, 結果都係揀啱邊檔就買, 之後邊走邊吃~ (主要係爸爸餵我~) 食咗燒花枝 (一般), 炸雞皮(0徒quota..), 炸魚(一般), 同埋encore咗前晚超好食ge阿爸蒜香雞~!! 同埋再飲埋幸福堂珠珠茶茶~~~ 爸爸就話要食麵線, 所以又去咗間食麵線ge舖頭~ 玩到成10點幾先返民宿, 拎住超香ge阿爸蒜香雞返去~~ 我放低盒雞去換鞋, 轉個頭有個賊仔跑過去, 將我拮住咗0個舊蒜香雞塞咗入口!!!! 賊仔人贜並鑊, 企圖賣萌脫罪, 笑容入面仲0趙緊0個舊拳頭咁大ge雞~!! 平時大舊小小就唔食, 蒜香雞成個拳頭咁大你同我一啖食晒~!! 夜晚, 當然係唔訓啦~ 最後一晚, 瘋狂sir滑梯啦~~ (結果好似成1點先訓著) 米豬高雄之旅 飛媽媽 - 米豬衝出香港 (心理準備編) 飛媽媽 - 兒童特區護照點申請? 飛媽媽 - 米豬行李帶D乜(同有咩帶咗冇用過) 飛媽媽 - 高雄hea爆親子遊day 1 飛媽媽 - 高雄hea爆親子遊day 2 - 哈瑪星小火車 飛媽媽 - 高雄hea爆親子遊day 3 - 壽山動物園+瑞豐夜市 loading........ 飛媽媽 - 高雄hea爆親子遊day 4 - 走人lu 飛媽媽 - 高雄hea爆親子遊 - 超好玩民宿 - 蘑菇房 飛媽媽 - 高雄hea爆親子遊 - 超好玩民宿 - 龍貓房 飛媽媽 - 高雄hea爆親子遊 - 執書呀! 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
