小NEMO 係我第一個BB, 所以我咩都唔識, 好緊張. 好彩老公小時候有幫手湊細佬, 表弟堂妹果D, 所以係比較有經驗. 我媽媽知道我地有BB之後, 第一時間已經答應幫手湊, 所以我同婆婆一齊去上左個新手湊BB 既班, 學左點同BB洗白白, 清潔, 喂奶等等. 不過都係基本概念, 真係要實戰先可以學識. 另外我覺得屯門醫院同健康院都好好, 屯門醫院有7個唔同TOPIC 既講座提供. 另外生產前健康院都會提供一個細既講座(大約6個孕婦), 教下餵人奶, 簡單講下生產, 帶D咩入院等等.   其實有時間既去下醫院聽講座都幾好. 我覺得都有用呀. 準備多D 會好D. 不過可能未必岩陀緊既週數去.  7個TOPIC 會順序重覆. 係佢既網頁會見到日期時間. https://www3.ha.org.hk/tmh/ch/services/02_01_obs.asp 個HALL 都幾大, 所以我幾次去到都有位可以聽講座.  我同攸豬爸就一齊聽左止痛方法, 同埋分娩過程. 2個講座都好有用. 知道有咩止痛方法岩自己. 又知道有咩副作用. 起碼我知道自己唔會用無痛分娩. 聽到支針咁樣桔入去都驚呀. 我真係勁細膽同勁怕痛架!. 佢有一個按摩方法學止痛既堂, 又有做運動既堂. 不過要抽籤. 要去聽講座先會知道係邊日既講座會抽籤同報名. 不過呢個堂有限人數同埋有限BB週數先可以上. 雖然我地無得上堂. 但係都問左好多問題, 了解多左好多. 學識左呼吸法.... 不過講真... 去到生BB時.. 係唔會記得同埋控制唔到點呼吸. 不過好彩老公有一齊聽講座... 佢陪產時, 一入黎就有護士教佢點用按摩油幫我按條腰, 果時我成條腰勁痛, 咩姿勢都唔得. 佢入黎學左, 又要跟我呼吸黎按.. 我自己覺得有佢係身邊按左真係好好多. 當然陣痛果下都真係好痛.   講座會比到好多資訊你... 例如: 屯門醫院暫時無得用分娩球 (我果時係2018年年頭, 而家年尾唔知有無得用). 公眾假期時要睇笑氣有無STOCK 先有得用啦, 又要睇有無麻醉醫生先知有無得揀無痛分娩啦) 又教你點知道自己係咪陣痛要入醫院. **陣痛, 見紅, 穿水都要入院, 係講座度佢教有懷疑都要入院. 因為有D 人穿水係少少咁漏出黎. 未必係一大灘咁流出黎架. 原來又有分幾點去邊度入院, 又有唔同. 所以聽左之後係可以準備到好多. 所以有時間去聽下呢D 免費講座都幾好, 了解多D, 安撫下自己緊張既心情.