39週5終於卸貨了,早上5,6點開始有陣痛了！像經痛不過好輕微，在床上閉氣忍得住！7點幾起身執好野收拾好走佬袋後同老公落去食早餐，他請假同我入院,可以慢慢去！10點去到先辦入院，之後上產前房，去到就check 我子宮，話鬆左未開！之後駁機聽bb 心跳同數胎動，都好正常！又聽住bb 澎湃的心跳聲,附近的媽媽都細週數過我！個個都要check 心跳，聽到隔離床有媽媽細聲呻吟，之後再check 我同摸肚話開到一度但好緊！估計都要等到聽日！ 12點老公黎探我,我都係keep 住小痛，之後閉目養神咁度過！去到約5點我忍住陣痛照沖涼洗頭，驚生左無得沖！因為已經痛密左！之後食飯再痛多左，痛楚來襲時要放下個碗痛完過左先食到！感覺快喇！老公又來， 6點幾姑娘來問我痛成點，我話密左，佢check 話已經開到4度，直接推落產房！識驚了!突然話落得產房，太快了！姑娘幫我執東西。推去產房時，是探病時間，聽到有小朋友話有人生bb！老公要等我電話！我都一直有見紅！入到去，問我資料，又抽血同量血壓！有實習生！之後再keep住問我資料！好快穿水！一陣暖流流出，已經8點，吾捨得bb 要出來了，陀緊又驚bb吾知咩情況，但就出黎又吾捨得咁！穿完一陣痛到想扑暈自己又想撞牆！失控了，但遲遲未俾笑氣我吸！佢地又忙！有時得一個人睇住我，之後我痛到睇野同拎笑氣黎吸都無力咁"又要簽名拎笑氣！痛到我郁到就跌落床！佢地叫我吾好亂郁話咁樣bb 都辛苦！佢地拎左笑氣黎話吸完有作嘔要拎開！可能會暈@@我馬上吸！已經痛到無法忍了！不只係m痛同肚痛咁簡單！老公又未到，我無力同好想訓，但又吾得！太痛！小便都去吾到，痛苦爆了!但有時feel 到有羊水流出來！佢地叫我打給老公，我都快無力打，好震!老公到後，我望佢都無咩望清楚！8點到10點痛到我死了！佢幫我按摩，但無咩效！又捉住我手，俾笑氣我吸！都無用了！到大痛時笑氣根本無用，吸既力都失去辛苦到！只吸左吾係好多次，最後靠自己亂出力同閉目閉氣度過！老公睇住有時好無助咁！因為點做我都係好痛，諗咩都好痛！好想打死自己！超級辛苦！痛到1分鐘一次咁制，痛完無停再黎！好恐怖！真係寧願死！又痛但又未生得，我係咁亂用力左吾知幾多百次！佢地話未生得！個人更痛了！9點醫生check 先5度，果時都痛到我要死！老公黎左都痛了一個鐘先生得！佢講咩我都聽吾入耳！又有野叫我簽名，都吾想睇，個人虛脫哂！無力咁制！話5度都已經好想死，仲要捱到10度，真係快整死我好過！ 到10點終於叫我生喇，果時腳都震到爆！佢有野俾我撐住，手要握住！原來到呢個時候都好難用力！起初我面容扭曲都生吾到bb 出黎！用左好幾下力，助產士話見到bb 頭髮，叫我出力生佢頭仔，再用左好幾下力大約10分鐘頭仔終於出到！我累到死了，feel 到有剪會陰，但我只知道陣痛！剪完都無咩感覺！之後佢地拎bb 個身出黎！我feel 到有啲好滑既野出左黎！我已經想暈了@@一生完果刻望住bb 都吾識喜悅，因為已經嚴重虛脫！我成功生了囝囝,突然覺得自己好利害! bb 出哂係10點10分！生係好快！陣痛馬上過去！未叫脫苦海！但要出埋胎盤！臍帶無俾老公剪！縫針都真係痛！面果層好痛，麻醉都痛！不過我都忍到，大陣痛先係最痛，其他好濕碎！生仔係痛到咁，終於知道！我都叫忍得同捱到辛苦既人，都搞成咁！好恐怖，三個字！我都吾知點捱既最後兩小時，羊水穿左後真係痛勁多倍！終於bb 係39週5出黎,仲驚住要催生，生完影相,一家三口影相,即刻埋身餵奶,佢搵位飲奶都好叻,見佢帽仔同額頭都有我啲血，媽媽好偉大好痛！bb 放係我身好暖！之後推返入產後房,過床時姑娘要抱走bb去清潔，我聽住佢離開我懷抱即喊，好心痛，第一次為bb心痛！我生產時整損左手臂，可能太用力磨擦到兩條痕出來！生到連手都有痛的印記！順產真係無儀態！係產前房聽得最多係bb 心跳，產後房就聽bb 喊聲最多，好嘈！仲有媽媽唱歌哄bb ,又有啲bb 咬乳頭媽媽慘叫聲！難忘！bb 最後只係早預產期1日半出世， bb 足磅足月又無黃，都很好!做得好好!一個健康bb 順利誕生！我終於為人母親了！一切太快了，不真實！ 產後第四日開始上奶,黃金初乳泵量少,6星期後奶量開始穩定,有一定的奶量給予謙謙. 我在產後第四日開始上奶,最初是密密餵,初生嬰兒要兩個鐘餵一次,又或者按佢需要餵,我不停埋身餵,谷奶在兩個月左右奶量穩定後就沒有谷了,我維持奶量有以下方法: 1. 密密餵 2. 多休息 3. 多湯水;青木瓜通草花生豬骨/魚湯,黑豆水/代茶,牛奶 4. 埋身後泵/擠清 5. 多按摩乳房 6. 吃多點營養食物,主糧最好吃飯,要有肉 7. 引奶陣望下BB相片,自然多奶陣 8. 保持好心情 至今我人奶路已達到7個月了,我地一齊加油努力!如大家想睇多些我的分享可like謙謙的FB Page: My Little Wan Pig 及youtube channel: HimHim Wan Pig
