聖誕節就到喇~ 大家係咪都約晒party喇?~ 有冇預埋屋企ge小寶寶先? 如果响屋企開party, 不如試吓整呢個芝士士的啦~~ 有高鈣芝士又有牛奶~ 開住party都可以好有營ga~ 今次整呢個芝士士的脆餅有D複雜, 所以拍咗片呀~ 大家可以過我地個page度睇返~ 材料: 麵粉 90g 紅麴粉 1茶匙 羅勒乾 半茶匙 車打芝士 80g (刨碎) 牛油 25g 鮮奶 2湯匙   做法: 1. 麵粉過篩, 同芝士碎, 羅勒乾撈勻 2. 牛油切粒, 用手捽入麵粉(rub in)變成粗沙狀, 分成2份 3. 2湯匙牛奶分開裝, 其中一湯匙加入紅麴粉 4. 2份牛奶分別加入2份麵粉, 搓成麵粉團 (一紅一白), 啱啱黏住晒成一個波就好, 唔好搓過龍 5. 工作枱舖牛油紙, 分別碌開2個麵團, 變成2個大小相若ge扁餅之後, 就放紅色麵團响底, ,表面掃小小牛奶,  放白色麵團上去, 加粉碌成約5mm厚長方型 6. 切走岩蠶邊邊位, 變成一個正長方型, 最好有15cm闊, 然後界出1cm闊麵條, 同時預熱焗爐, 上下火170度 7. 將麵條碌圓, 然後一隻手hold住個頭唔比佢碌, 另一隻手就碌條麵條, 令到麵條變成紅白扭紋, 頭尾可以搓圓 8. 焗盤舖牛油紙, 將麵條放上去後屈成士的狀, 注意要隔開小小因為焗緊時會發大dd   9. 160度焗15分鐘, 香脆芝士士的出爐喇   煮食小貼士: 1. 用芝士粉整會勁抽咸, 記得用一舊舊d芝士磨成碎呀 2. 紅麴粉係天然食用色素粉, 但係出嚟顏色會冇咁sharp, 不過整比小朋友食, 天然很重要啊~ (如果係大人食唔怕食物添加劑, 就買紅色色素溝落去啦~ 1-2滴已經夠了) 3. 搓麵團時如果太乾, 可以逐小加入牛奶, 太濕就加粉, 記住2樣都係dd dd咁落, 唔好一湯匙咁倒落去呀 4. rub in入麵粉ge牛油要臨用先响雪櫃拎出嚟切同磅, 軟身咗就好難變成粗沙狀了 5. 想士的白色多d就將麵條向紅色0個邊nin埋再碌圓, 想紅色多d就將麵條向白色0個邊nin埋再碌圓   出爐一陣已經忍唔住食咗2條, 第2日米豬起身都聞到芝士香, 係咁响度叫要餅餅~~   米豬豬的page~ 每日都update~  歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/