今日我地去做文青~~ 去行駁二藝術特區~~ 駁二藝術特區有好多唔同ge文化展覽, 又有藝術品, 又有得食又有得玩, 啱晒我地啦~~ 不過就返米豬ge活動時間, 我地先去咗棧貳庫食飯, 再去玩咗哈瑪星小火車先~~ 我地先搭捷運去到西子灣站, 再行過去棧貳庫食飯, 因為我要去搵全白旋轉木馬呀~~~ 就响上圖粒藍色星星位置~~~ 超夢幻des~~~~ (如果未嫁我肯定會螺老公嚟影pre wedding~~) 可以坐上去ga~~ (冇記錯ge話門票係台幣$139) 好明顯, 好想坐ge係媽媽XDDD 棧貳庫入面都好多野食ga~~ 可以睇吓呢個map 有鑑於米豬尋晚有兒童餐都絕食, 我決定今日唔叫佢0個份, 叫我鐘意食0個D~~ 我地去咗食紅燒牛肉麵同餃子 (其實米豬都好鐘意食餃餃), 米豬坐埋响隔離, 食就比佢, 唔食就由佢, 去旅行嘛relax relax~~食小幾餐唔會死ge~~ 輕d啫~ 咁咪抱耐D都唔攰囉~ 點知爸爸碗麵嚟到, 佢見爸爸食咗幾啖, 就指住係咁講 "食!! 麵麵" OKOK~~ 你食就得~~ 沖一沖滾水先比米豬食, 到我食餃, 佢又指住係咁講 "食!!餃餃" 另外仲叫咗碟毛豆炒蝦仁, 基本上有一半都係米豬食~~ 今日lunch呃仔食飯大成功~~ hea行期間......... 怎麼可以吃兔兔!! \*0*/ 其實係兔仔主題餐廳啫~~ 嚇得我吖~ 一齊笑吓啦兔兔~~ 食完飯行咗陣街, 就去坐車車喇~ 但原來响棧貳庫推過去都小小遠, 行咗3個字度 12點幾晒到傻0個陣行過去, 真係咩斑都出晒......... (推車都唔拎埋把遮...... 豬到呢......) 去到就買飛去坐火車喇~~~ 大人要買飛, 米豬咁細個都要ga~~ 仲要大人陪坐~~~ (12歲以上 $219, 12歲以下就算好似米豬咁細個ge小朋友一律$99) 响車頂坐上去ga~~ 好似細個玩歡樂天地d小火車咁~~ 米豬一見到就好興奮~!! 係咁叫 "車車~!!" 又拍晒手咁, 咁即刻買飛坐啦~ 仲要我坐一次, 爸爸又坐一次, 爸爸同佢打頭陣, 點知一出車........ 喊到癲咗呀~~~~~~~ 好在爸爸死攬住佢囉~~ 點會咁ga......... 明明你好開心又拍晒手, 我地先買飛ga...... 都坐咗幾耐吓, 差唔多10分鐘ga~~ 好在坐咗一陣就冷靜咗~~ 咁啱0個個時段得我地買飛~~ 包車~~~ 坐完第一轉, 唔好比佢停~~ 到我同米豬坐喇~~~ 有咗第一次ge經驗, 今次定好多, 識得周圍指野叫我睇喇~~ 玩完2次小火車, 就過咗隔離睇舊火車~~ 呢D火車頭連媽媽都未搭過啊~ 現場仲有好多路軌同埋藝術品ga, 不過太晒, 媽媽決定匿埋~~ 玩咗一陣又過返去, 因為2點開始可以坐全白旋轉木馬呀~~~~ (媽媽很想坐的說) 很不情願的米豬XDDD 不過好在, 佢唔係好驚玩旋轉木馬ge~~ 一路玩都肯同爸爸hello影相~~ selfie吓啫, 唔駛咁chok ga wo 你地2父子型晒佢啦咁~~~ 坐完旋轉木馬, 又入返棧貳庫, 借廁所XDD 但原來2樓都好多野玩ga~~~ 米米响度jar船船jar咗好耐~~~ 呢度仲有nursing room~!! 餵奶又得, 沖奶佢地都有熱水機, 仲有暖奶器, 好貼心ge服務~~~ 本身諗住去完棧貳庫就餵米豬食奶, 再比佢响車仔訓, 我地行過駁二特區, 點知佢唔肯食仲不停扭眼訓, 最後我地決定放棄駁二特區, call uber返民宿訓晏覺~~~ 今日係我地最期待ge龍貓房呀~~~~~~~~~ (遲D再詳細介紹~) 而米豬嘛...... 上咗車唔駛3分鐘已經暈咗, 結果佢呢覺訓咗2個鐘 米豬一訓醒, 見到龍貓响隔離, 即刻開心到坐响度傻笑拍手呀~~~ 好可愛呀~~~ 之後就成間房狂跑~~ 開心到不得了~! 個千秋連大人坐都好穩陣~!! 但有人唔比我坐囉........... 玩飽就Call uber出去食飯, 今晚Book咗食sukiyaki呀~~ 水唔水貢長呀~~~ 食飽飽就uber過sogo誠品, 因為媽媽要買書啊~~ 想買好多繪本同米豬講故事~~~ 買吓買吓, 買咗3千幾蚊(新台幣)呀~~~ 最後就愉快地捧住堆書返民宿喇~ 米豬高雄之旅 飛媽媽 - 米豬衝出香港 (心理準備編) 飛媽媽 - 兒童特區護照點申請? 飛媽媽 - 米豬行李帶D乜(同有咩帶咗冇用過) 飛媽媽 - 高雄hea爆親子遊day 1 飛媽媽 - 高雄hea爆親子遊day 2 - 哈瑪星小火車 loading........ 飛媽媽 - 高雄hea爆親子遊day 3 - 壽山動物園 飛媽媽 - 高雄hea爆親子遊day 4 - 走人lu 飛媽媽 - 高雄hea爆親子遊 - 超好玩民宿 - 蘑菇房 飛媽媽 - 高雄hea爆親子遊 - 超好玩民宿 - 龍貓房 飛媽媽 - 高雄hea爆親子遊 - 執書呀! 米豬豬的page~ 每日都update~ 歡迎各位like&follow~ 亦都歡迎大家聯絡我同米豬豬一齊試用產品或合作~ https://www.facebook.com/NereusYu/
