依個就係情人節話想整既甜品 可惜食到已攬住個肚所以冇再整了 15號就補番個甜品 13/2 Pre情人節蛋糕 14/2 情人節大餐 15/2 Bruno情人節玫瑰蘋果酥 3日情人節呀XDXDXD 材料: (4朵玫瑰蘋果) 青紅蘋果 各1個 糖 1西湯匙 酥皮 1片 mini棉花糖 3西湯匙 紫薯粉 2茶匙 玫瑰花 1朵 防潮糖霜 適量 水 適量 配用: 深鍋 & 平板 酥皮1開4 蘋果浸半小時 (因留皮最好浸一浸先) 再卒洗蘋果皮 (可用刀刮刮蘋果表面既腊) 然後去芯 落小小水, 夠浸過蘋果片已足夠, 煲至大滾, 轉LOW, 放蘋果片入鍋 然後灑上糖 (大眼媽用原糖因為冇漂過更健康) (成日都係果句~~要食「毒品」都揀D冇咁毒既黎食) 煮一煮, 糖好快溶晒的, 主要蘋果變半透軟身即可 用廚房紙索乾水份 間色排係酥皮上端, 露出一半蘋果片 如圖放上迷你棉花糖 將酥皮向上對摺, 邊位搽少少水, 對摺後輕輕按壓黏實 再灑上紫薯粉作裝飾 係酥皮位加點水, 由左邊卷向右邊, 收口位加水按壓黏實 然後放係鋁紙/兜上, 輕輕將酥皮&蘋果向外反 再加上一片片既玫瑰花辮 先預熱, 放係平板上用MED煎佢 6分鐘後, 然後可除去鋁紙 再將玫瑰打橫, 4邊輪流煎煎至少金黃即成 (始終焗爐做既效果會靚好多同簡化好多) 完成了~~~~ 然後可加上少少防潮糖霜 (防潮糖霜比普通糖霜冇咁易溶化, 多作表面裝飾, 如加入溶液中再加工多會選用普通糖霜) 上次整完鳥結糖 https://blog.ulifestyle.com.hk/blogger/bigbigeyes/2017/02/bruno%e5%a5%bd%e7%85%ae%e6%84%8f%e7%b4%ab%e8%96%af%e7%8e%ab%e7%91%b0%e9%b3%a5%e7%b5%90%e7%b3%96/ 已好多人問係用咩玫瑰花??鮮花??乾花???定係有得直接買到一片片嫁??? 其實佢係沖花茶既乾玫瑰, 市面上都有形形式式不同品種/價格/顏色 平既 $10/兩, 貴既$50/兩都有 我碟上有2種 ~~ 細粒一粒粒既 around $60/120g 大朵開晒花既around $80/40g 味道呢….當然係一分錢一分貨啦 因為大眼媽係每日長期飲用所以最初試隻平野啦~~諗住粗飲 太貴就會少數怕長計, 但又諗深一層, 長期飲應該要飲好d 就試左隻貴野喇~~~ 其實價錢都貴幾多下 不過一沖之下既味道….平既要用8粒到=貴既3粒 所以貴買得黎, 品質好左, 但用量又少左, 都唔係真係貴太多~~ 對自己好d嘛~~~所以往後大眼媽都係買隻貴既黎飲lu 大眼B都好好享受佢既蘋果酥 其他玫瑰食譜 玫瑰茄子 玫瑰餃子