依樣野…真係不得之了…未整估唔到!!!整完都估唔到!!!! 但一放入口就……明晒!!!! 唔係大眼媽既功力深厚!! 而係……………….芝士…真係…好!!!!!!!!!!!!邪!!!!!!!!!!!!!!!!!!!!!!!惡!!!!!!!!!!!! 手…口….都停不了 材料 : (大概有150塊一口芝士餅) (數不清….因3把咀兒邊整邊食) (最好笑係大眼B其實食緊星星餅) (當大眼爸比塞左一塊芝士餅入大眼B口中….) (大眼B掉左手上星星餅…指住先芝士餅) 大眼媽用左依款巴馬臣芝士 其實邊一種都OK嫁, 是旦買OR 買自己鐘意既就OK 芝士碎 160 g 牛油 60 g 中筋麵粉 120 g 水 30 ml 鹽少許 配用 : 深銅, 平板 因大眼媽用既係硬身一磚磚既牛油 所以要先溶左佢先 但要等佢自然溶應該要3,5,7個鐘 咁樣溶法又可能會滋生細菌 所以緊係用內功溶化佢啦XD 放少少水 剛剛浸過裝牛油既器皿底部 我地要熱溶牛油並唔係煮牛油 所以剛浸過底部就好了~~ 一早MED煲滾D水至起泡泡後就轉WARM 當熱溶左7成就可以熄爐 只用餘溫攪拌D牛油粒粒 牛油溶晒後倒落一個大碗到 再將芝士碎分幾次加入拌勻　 起初撈完都仲係濕濕地 代表牛油比芝士多 如果依刻你未用晒芝士既話就岩晒喇 相反已落晒芝士就化表比例唔岩 不過都冇咩問題既…牛油芝士都係肥到死既東東XD 多D少D都問題不大既, 不影響成品 依個濕潤度就差不多了 之後就可落少少鹽~~~小心D落呀~~~芝士本身係咸的 我依個係即磨鹽, 大概扭左4下到 其實都係著量, 唔洗太過深究個份量 亦可以唔落的~~~亦可以再加胡椒或其他香料 大眼媽喜愛原味同埋會比大眼B食所以冇再加其他野了 然後分幾次落麵粉拌勻成一個麵團 途中乾時可加水…水,粉,水,粉隔住落咁會好攪好多 成麵團後, 用保鮮紙包好放入雪櫃雪15分鐘 唔好雪太耐呀~~唔係就會太硬了 雪佢係想抽乾少少水份, 太濕既話切開都會黏住 但太乾就會裂開~~所以同時都唔好將麵團放係雪櫃最凍同當風位 快凍唔等如抽到水份嫁!!!! 慢慢來~~~反而仲抽到個心既水份 雪完15鐘了~~~上下各一保鮮紙包住麵團均勻碌平 依個係有花紋既器具, 冇的話可以就咁用PIZZA碌碌, 再冇既話其實可以用刀仔 只係依個用具比較方便, 快手, 同安全 如果要做親子活動, 大眼媽都建議買一個看門口 3個碌碌係可以替換的 平晒後就可以用剛才講既器具將佢界開成小塊 首先全部界開晒後, 就可以飛起一D冇咁靚仔既再留黎搓第2次時用 然後用牙籤係每小塊上篤篤篤做氣孔 用意係餅仔煎時唔會谷起出泡泡 小剷子又出場了~~真係超級好幫手 用LOW同MED火交替前後反佢煎10分鐘 中途要不停反佢, 邊一邊唔夠火喉就再煎煎 完工~~~~大眼媽用以上既份量搓左3次先整得晒 (其實係大眼媽張枱細姐, 同埋慳家用張細既保鮮紙) 大眼B已急不及待係咁食….食完一塊又一塊 都好似食左5,6塊已被我叫停 始終多油份, 小朋友唔好一次過食咁多 太緊張….連星星餅都掉走