好多美食都好正~~但又可惜好多都要用大獲油黎整 既唔健康又難處理用剩既油, 因此都會避左唔整依類型既野食 今次整既係又愛又恨既~~~~沙翁…又油又糖肥死咩??? 事實上~~~又唔係播~~BB都可以食呢~~~睇下點整啦!!!!   材料: (8粒小丸子SIZE份量) 雞蛋大1隻, 細的話要1.5-2隻 中筋麵粉 45 g 無鹽牛油 30 g 水 100 ml 油 少許 # 配用深鍋 & 小丸子盤 # LOW住部機預熱1,2分鐘先 熱熱地後就落水再轉MED 之後就可落牛油了 煮到滾起晒有泡泡後就落麵粉 落左麵粉快手攪拌直至變成麵團 過程中會好濕好散黏唔埋 就要靠快手搓搓搓增加黏力 再加上熱力收緊水就可以搓成麵團 完成麵團後就熄機換小丸子盤 同時將麵團放入碗準備下個程序 逐少逐少落蛋漿 落完撈撈佢比時間麵團吸收蛋液 重覆來回5,6次 預熱 MED 1分鐘 然後落2滴油~~~真係兩滴(少到冇朋友) 其實唔黏獲的, 落油只想有少少炸既感覺, 其實唔落亦得~~得左 冇呃你呢~~~~XD~~真係兩滴嫁 全程MED不斷華麗轉身至金黃就OK喇 可以不時用簽篤入個心睇下有冇粉漿就知熟透未 已經金黃而且試過已熟透就趁熱上碟 上碟前, 碟上平均灑滿砂糖 將熱辣辣既蛋球放係砂糖上碌地沙 介紹你識~~~ 佢係一枝好好既攪屎棍~~佢最鐘意周圍挑挑,轉轉~~好幫手黎嫁 嘩~~~碌碌碌~~~~有沙呀!!!! 要慢慢研究完先放心放入口 咦~~~好食播~~食到塊面都有糖添 就係咁…依3粒比大眼B食晒喇