依個BB出名懶惰已由陀佢10個月已經知道 懶到差點唔胎動,其實佢都係想搵佢阿媽個心臟黎做下testing姐 正一嚇我唔死都笑死,邊有人一出世就訓番 傳說中,BB在肚內又暖又黑,一出世時係最痛苦 又光,又凍,皮膚會刺痛…..但竟然出世一刻仲訓緊.2,3秒後先豪哭(話我地好攪住佢訓) 喊多兩喊交完戲,完成報到出生禮,埋到我身時…..竟然……………..鼻~~鼾~~~~~ 認真的懶到冇朋友!!!! ok !!!! 對左你10個月…我明…我明…我理解的~~~ 爸爸幫你剪完臍帶後係咪好爽?!?!??咁就訓著左?? 仲未抱到你返黎我到...就已經變左隻豬 你真真真的好厲害~~對唔住囉~早叫你出黎阻住你訓!!! 環境清幽,不過就真係比較隔涉左DD 絕對唔辛苦住院者XD但就一定辛苦晒黎探你既家人朋友 隔離只有一個屋苑,唔會咁好彩住正果到嘛???? 否則任何地方都必須渣車,的士,穿梭巴(已未計要車來車往先到大圍後再轉車) 但環境確實係好舒服,沒有醫院既感覺,酒店STYLE,感覺好輕鬆~ 幾靚呢,依到係新翼既護士站,主要係負責依邊10間8間房的 因舊翼正正打晒對台,係整間醫院既頭尾位 新裝修,更加比舊既靚D新D,不過又冇裝修味 我住單邊尾房,未生時行得走得又跳得,仲覺得冇咁人來人往,仲靜D,超級正 生完呢….呵呵呵…..喪屍(其實喪屍比我感覺係喪跑嫁播,彊屍就係跳跳下咁,根本冇乜屍形容到龜速之行) 喪屍來回去睇喪B…..前後各用左半個鐘(果刻真係feel到咩係屍綢之路) 我住既係2人房,仲有個窗邊床位比我,真好呢 房間幾寬敞,而且隔離床又係個後生媽媽,正晒!!!! 從那天….我地都成為了好朋友了(依樣冇得book嫁,睇你命水啦~哈哈) 到今日....3年零10個月後~~我地仲係好朋友 睇住對方既小朋友一天一天的長大感覺真係好神奇 本應2個唔相識既人...因為共同「嗜好」「同居」左幾晚 緣份就由那一夜2人同居開始~~~ 大眼B(其實果時都未知你大眼,照超聲波都睇唔到你碌大隻眼)我地既最後一夜了 聽日個巨肚就會消失了(I hope so, 24″ pls!!pls!!!pls!!!!) 好好咁2人世界埋最後一晚啦…..最終…我望天光冇訓到zzZZZzZzZzzz 其實又唔係驚既緊張…但總係眼光光….可能…我…唔…捨得了…. PS~~我仲肚餓到食左個雪菜肉絲米做宵夜 我就話LAST DAY陀住未生姐~ 隔離朋友仔係生左...傷口痛緊未落得床... 聽佢同老公講電話話想飲水又拎唔到 我依個「偷聽」八八掛掛走左埋佢床拎左水比佢飲 我地既開始就係因為「水」了~~ 打開了話題後...佢問我食緊乜XDXD 我仲未有驚既心情~~而佢就痛緊...應該對我食物既氣味冇咩食慾感了XD